Visit:
IND vs CAN : టీ20 వ‌ర‌ల్డ్ క‌ప్‌లో సూప‌ర్ 8కు చేరిన టీమిండియా (Team India) చివ‌రి లీగ్ మ్యాచ్‌కు సిద్ద‌మైంది. న్యూయార్క్‌లో హ్యాట్రిక్ కొట్టిన రోహిత్ సేన కెన‌డా (Canada)తో త‌ల‌ప‌డుతోంది. అయితే.. ఫ్లొరిడాలో వ‌ర్షం కార‌ణంగా ఔట్ ఫీల్డ్ చిత్త‌డిగా మారింది. దాంతో షెడ్యూల్ ప్ర‌కారం 7:30 గంట‌ల‌కు వేయాల్సిన టాస్‌ను అంపైర్లు వాయిదా వేశారు.
మ‌రొక‌సారి అంపైర్లు, రిఫ‌రీలు రాత్రి 8 గంట‌ల‌కు ఔట్‌ఫీల్డ్‌ను ప‌రిశీలించి టాస్ టైమింగ్ చెప్ప‌నున్నారు. శుక్ర‌వారం ఇదే స్టేడియంలో త‌డి ఔట్ ఫీల్డ్ కార‌ణంగా అమెరికా(USA), ఐర్లాండ్(Ireland) మ్యాచ్ ర‌ద్దు అయిన విష‌యం తెలిసిందే.
భార‌త జ‌ట్టు అంచ‌నా : రోహిత్ శ‌ర్మ(కెప్టెన్), విరాట్ కోహ్లీ, రిష‌భ్ పంత్(వికెట్ కీప‌ర్), సూర్య‌కుమార్ యాద‌వ్, శివం దూబే, హార్దిక్ పాండ్యా, ర‌వీంద్ర జ‌డేజా, అక్ష‌ర్ ప‌టేల్, జ‌స్ప్రీత్ బుమ్రా, అర్ష్‌దీప్ సింగ్, సిరాజ్.
కెన‌డా జ‌ట్టు అంచ‌నా : అరోన్ జాన్స‌న్, న‌వ్‌నీత్ ధ‌లివ‌ల్, ప‌ర్గాత్ సింగ్, నికోల‌స్ కిర్ట‌న్, శ్రేయాస్ మొవ్వ(వికెట్ కీప‌ర్), దిల్‌ప్రీత్ బ‌జ్వా, సాద్ బిన్ జాఫ‌ర్(కెప్టెన్), డిల్లాన్ హెల్గెర్, క‌లీమ్ స‌నా, జునైద్ సిద్దిఖీ, జెరెమె గోర్డ‌న్.
