IND vs WI 2nd ODI | విండీస్‌తో రెండో టెస్టుకు వాళ్లిద్దరికి రెస్ట్‌.. వీళ్లిద్దరికీ చాన్స్‌..!

IND vs WI 2nd ODI | వన్డే క్రికెట్‌ చరిత్రలో తొలిసారి ప్రపంచకప్‌నకు అర్హత సాధించలేకపోయిన వెస్టిండీస్‌తో వన్డే సిరీస్‌ కు ప్రధాన ఆటగాళ్లను ఎంపిక చేయడంపై విమర్శలు వెల్లువెత్తుతుండటంతో.. బీసీసీఐ దిద్దుబాటు చర్యలు చేపట్టింది.

ఫలితంగా.. విండీస్‌తో రెండో వన్డేకు రోహిత్‌, కోహ్లీకి విశ్రాంతి నిచ్చారు. హిట్‌మ్యాన్‌ గైర్హాజరీలో.. హార్దిక్‌ పాండ్యా జట్టుకు సారథ్యం వహిస్తుండగా.. వికెట్‌ కీపర్‌ బ్యాటర్‌ సంజూ శాంసన్‌కు టీమ్‌లో చోటు దక్కింది. చాన్నాళ్లుగా ఈ అవకాశం కోసం నిరీక్షిస్తున్న సంజూ ఎలా వినియోగించుకుంటాడో చూడాలి. పిచ్‌ స్పిన్‌కు అనుకూలించనున్న నేపథ్యంలో అదనపు స్పిన్నర్‌గా అక్షర్‌ పటేల్‌కు చోటు దక్కింది. ఈ ఏడాది స్వదేశంలో వన్డే ప్రపంచకప్‌ జరుగనుండగా.. దాని కోసం బీసీసీఐ యువ ఆటగాళ్లను పరీక్షించాలని భావిస్తున్నది. ఈ మ్యాచ్‌లో పూర్తిగా యువ ఆటగాళ్ల మీద బాధ్యత వేసింది. ‘రోగి కోరుకున్నదే.. వైద్యుడు సూచించినట్లు’.. టాస్‌ గెలిచిన వెస్టిండీస్‌.. భారత జట్టును బ్యాటింగ్‌కు ఆహ్వానించింది. మరి యంగ్‌ గన్స్‌ ఏమాత్రం స్కోరు చేస్తారో చూడాలి!