PSL 2024 | ఇమాద్ వ‌సీం ఊచ‌కోత‌.. పీఎస్ఎల్ ఫైన‌ల్లో ఇస్లామాబాద్

PSL 2024 : పాకిస్థాన్ సూప‌ర్ లీగ్‌ 9వ సీజ‌న్‌లో ఇస్లామాబాద్ యునైటెడ్(Islamabad United) ఫైన‌ల్‌కు దూసుకెళ్లింది. ఉత్కంఠ రేపిన‌ ఎలిమినేట‌ర్ 2లో పెషావ‌ర్ జ‌ల్మీ(Peshavar Zalmi)పై ఇస్లామాబాద్ జ‌ట్టు అద్భుత విజ‌యం సాధించింది. ఆల్‌రౌండ‌ర్ ఇమాద్ వ‌సీం...

PSL 2024 : పాకిస్థాన్ సూప‌ర్ లీగ్‌ 9వ సీజ‌న్‌లో ఇస్లామాబాద్ యునైటెడ్(Islamabad United) ఫైన‌ల్‌కు దూసుకెళ్లింది. ఉత్కంఠ రేపిన‌ ఎలిమినేట‌ర్ 2లో పెషావ‌ర్ జ‌ల్మీ(Peshavar Zalmi)పై ఇస్లామాబాద్ జ‌ట్టు అద్భుత విజ‌యం సాధించింది. ఆల్‌రౌండ‌ర్ ఇమాద్ వ‌సీం(59 నాటౌట్: 40 బంతుల్లో 9 ఫోర్లు) అజేయ హాఫ్ సెంచ‌రీతో ఇస్లామాబాద్‌ను గెలిపించాడు.

భారీ ఛేద‌న‌లో ఒక‌ద‌శ‌లో ఓట‌మి అంచున నిలిచిన ఇస్లామాబాద్‌ను హైద‌ర్ అలీ(52 నాటౌట్‌)తో క‌లిసి విజ‌య తీరాల‌కు చేర్చాడు. పెషావ‌ర్ బౌల‌ర్ల‌ను ఉతికారేసిన ఇమ‌ద్, అలీలు జ‌ట్టును ఫైన‌ల్‌కు తీసుకెళ్లారు. ముల్తాన్ సుల్తాన్స్‌తో మార్చి 18 సోమ‌వారం జ‌రిగే టైటిల్ పోరులో ఇస్లామాబాద్ త‌ల‌ప‌డ‌నుంది.

3⃣3⃣ games and it all comes down to this! 🔥

Who do you think will lift the Orion Trophy? 🏆#HBLPSL9 | #KhulKeKhel | #MSvIU pic.twitter.com/ZTfVXP6P7v

— PakistanSuperLeague (@thePSLt20) March 16, 2024

క‌రాచీ స్టేడియంలో జ‌రిగిన మ్యాచ్‌లో బాబ‌ర్ సేన భారీ స్కోర్ చేసింది. ఓపెన‌ర్ స‌యీం ఆయూబ్(78), మహ్మ‌ద్ హ్యారిస్‌(40)లు చెల‌రేగ‌డంతో నిర్ణీత ఓవ‌ర్ల‌లో 185 ర‌న్స్ కొట్టింది. అనంత‌రం బ్యాటింగ్‌కు దిగిన షాదాబ్ ఖాన్ బృందం ఆదిలోనే పీక‌ల్లోతు క‌ష్టాల్లో పడింది.

WHAT A TURNAROUND 🚨

Imad is there at the end once again to power Islamabad United to their first HBL PSL final since 2018! 👏#HBLPSL9 | #KhulKeKhel | #PZvIU pic.twitter.com/ZezP9hWsM5

— PakistanSuperLeague (@thePSLt20) March 16, 2024

పెషావ‌ర్ బౌల‌ర్ల ధాటికి 91 ప‌రుగుల‌కే ఐదు వికెట్లు కోల్పోయింది. దాంతో, ఆ జ‌ట్టు ఓట‌మి ఖాయ‌మ‌నుకున్నారంతా. కానీ, ఇమాద్ ప‌ట్టువ‌ద‌ల‌ని యోధుడిలా పోరాడాడు. ఆజం ఖాన్‌(22) ఔటైనా హైద‌ర్ అలీ(52 నాటౌట్‌)తో క‌లిసి చివ‌రి దాకా నిల‌బ‌డ్డాడు. 18 ఓవ‌ర్‌లో ఆఖ‌రి బంతికి బౌండ‌రీతో ఇస్లామాబాద్‌ను గెలిపించాడు.

ఇవి కూడా చ‌ద‌వండి