Sachin Tendulkar : క్రికెట్ గాడ్గా పేరొందిన సచిన్ టెండూల్కర్(Sachin Tendulkar) ఈ రోజు 50వ పడిలోకి అడుగుపెట్టాడు. దాంతో దిగ్గజ క్రికెటర్కు అభినందనలు వెల్లువెత్తాయి. బీసీసీఐ నుంచి మాజీ క్రికెటర్లు విషెస్ తెలపడడమే కాకుండా అతడితో తమ అనుబంధాన్ని గుర్తు చేసుకున్నారు. ఈ సందర్భంగా ఐసీసీ(ICC) ఈ లెజెండరీ క్రికెటర్ కెరీర్లోని 10 ఐకానిక్ మూమెంట్స్ను షేర్ చేసింది. వాటిలో 2011 వరల్డ్ కప్ ట్రోఫీతో సచిన్ ఉన్న ఫొటోకు మొదటి స్థానం దక్కింది. ‘సొంత గడ్డపై 2011 వరల్డ్ కప్ ఫైనల్లో సచిన్ విజయాన్ని రుచి చూశాడు’ అని ఆ ఫోటో కింద ఐసీసీ క్యాప్షన్ రాసింది.
2. పాకిస్థాన్ అంటే చాలు శివాలెత్తిపోయే సచిన్ 2011వరల్డ్ కప్ సెమీఫైనల్లో మరోసారి విశ్వరూపం చూపించాడు. దాయాదిపై 85 పరుగుల ఇన్నింగ్స్తో చెలరేగాడు.
3. 2011 వరల్డ్ కప్లో లిటిల్ మాస్టర్ ఇంగ్లండ్పై సెంచరీ(120 పరుగులు) కొట్టాడు. దాంతో, వన్డేల్లో 47వ శతకం ఖాతాలో వేసుకున్నాడు.
4. 2003 వరల్డ్ కప్లో పాకిస్థాన్పై 98 రన్స్ చేశాడు. విధ్వంసక బ్యాటింగ్తో 274 పరుగుల ఛేదనలో ఇండియాకు శుభారంభం ఇచ్చాడు.
Ever-present Sachin Tendulkar 👏
On his 50th birthday, enjoy 10 iconic moments from the Little Master at ICC events 🏏#50forSachinhttps://t.co/5jeqallP3L
— ICC (@ICC) April 24, 2023
5. 2003 వరల్డ్ కప్లో ఇంగ్లండ్ బౌలర్ ఆండీ కాడిక్ ఓవర్లో సచిన్ భారీ సిక్స్ కొట్టాడు. మాస్టర్ బ్లాస్టర్ బాదిన ఆ బంతి స్టేడియం అవతల కారు పార్కింగ్ ప్లేస్లో పడింది.
6. 1999 వలర్డ్ కప్లోకెన్యాపై శతకం(140) బాదాడు. తండ్రి చనిపోయిన బాధలో ఉన్న సచిన్ సెంచరీతో జట్టును ఆదుకున్నాడు.
7. ఆస్ట్రేలియాపై 1998లో చాంపియన్స్ ట్రోఫీలో సచిన్ అదరగొట్టాడు. 141 రన్స్ కొట్టిన అతను 4/38 బౌలింగ్ ప్రదర్శనతో ఆకట్టుకున్నాడు.
8. ఆసీస్పై 1996 వరల్డ్ కప్లో దంచికొట్టిన సచిన్ 96 పరుగులు చేశాడు. దాంతో 7 పరుగులకే రెండు వికెట్లు కోల్పోయిన భారత్ 3 వికెట్ల నష్టానికి 143 రన్స్ చేయగలిగింది.
9. పాకిస్థాన్తో తన తొలి మ్యాచ్( 1992 వరల్డ్ కప్)లో సచిన్ అర్థ శతకం (54 నాటౌట్) బాదాడు. ఈ మ్యాచ్లో ఇండియా 43 పరుగుల తేడాతో గెలిచింది.
10. 1992 వరల్డ్ కప్లో న్యూజిలాండ్పై 84 పరుగుల ఇన్నింగ్స్తో సచిన్ రాణించాడు.
సచిన్(Sachin Tendulkar)కు అరుదైన గౌరవం దక్కింది. 50వ పడిలో అడుగుపెట్టిన అతడికి ఆస్ట్రేలియా క్రికెట్ గొప్ప బహుమతి ఇచ్చింది. సిడ్నీ క్రికెట్(Sydney Cricket Ground) గ్రౌండ్లోని ఒఒక గేటుకు సచిన్ టెండూల్కర్ పేరు పెట్టింది. ఈ గౌరవం అందుకున్న ఆస్ట్రేలియన్ కాని తొలి క్రికెటర్గా మాస్టర్ బ్లాస్టర్ రికార్డు సృష్టించాడు. సచిన్తో పాటు వెస్టిండీస్ దిగ్గజం బ్రియాన్ లారా(Brian Lara) పేరును కూడా ఆ గేటుకు పెట్టింది. ఈ గౌరవం పట్ల క్రికెట్ గాడ్ సంతోషం వ్యక్తం చేశాడు.