ICC Champions Trophy | చాంపియ‌న్స్ ట్రోఫీ ఆస‌క్తిక‌ర విష‌యాలు ఇవే.. 1998 నుంచి విజేత‌ల వివ‌రాలు..!

ICC Champions Trophy | ఐసీసీ చాంపియ‌న్స్ ట్రోఫీ అంత‌ర్జాతీయ క్రికెట్ నియంత్ర‌ణ మండ‌లి (ICC) 1998లో ప్ర‌వేశ‌పెట్టిన వ‌న్డే ఇంట‌ర్‌నేష‌న‌ల్ నాకౌట్ టోర్నీ. దీన్ని గ‌తంలో ఐసీసీ నాకౌట్ టోర్నీగా పిలిచేవారు. ఈ టోర్నీని మొద‌ట 1998లో బంగ్లాదేశ్‌లో విల్స్ ఇంట‌ర్నేష‌న‌ల్ క‌ప్ పేరుతో నిర్వ‌హించారు.

ICC Champions Trophy | ఐసీసీ చాంపియ‌న్స్ ట్రోఫీ అంత‌ర్జాతీయ క్రికెట్ నియంత్ర‌ణ మండ‌లి (ICC) 1998లో ప్ర‌వేశ‌పెట్టిన వ‌న్డే ఇంట‌ర్‌నేష‌న‌ల్ నాకౌట్ టోర్నీ. దీన్ని గ‌తంలో ఐసీసీ నాకౌట్ టోర్నీగా పిలిచేవారు. ఈ టోర్నీని మొద‌ట 1998లో బంగ్లాదేశ్‌లో విల్స్ ఇంట‌ర్నేష‌న‌ల్ క‌ప్ పేరుతో నిర్వ‌హించారు. ఈ టోర్నీని త‌ర్వాత ఐసీసీ నాకౌట్ టోర్నీగా మార్చారు. 2002 నుంచి ఐసీసీ చాంపియ‌న్స్ ట్రోఫీగా మ‌రోసారి పేరు మార్పు చేశారు. ఈ టోర్నీలో ఎనిమిది అగ్ర‌శ్రేణి జ‌ట్లు మాత్ర‌మే చేర్చారు. ఇందుకు సంబంధించి 2009లో రూల్స్‌ని ప్ర‌వేశ‌పెట్టారు. 2017 చివ‌రిసారిగా చాంపియ‌న్స్ ట్రోఫీ జ‌రిగింది. ఆ త‌ర్వాత ఈ ఐసీసీ టోర్నీని నిలిపివేశారు. 2021లో చాంపియ‌న్స్ ట్రోఫీని 2025లో పాకిస్తాన్‌, 2029లో భార‌త్‌లో ఈ టోర్నీని నిర్వ‌హించ‌నున్న‌ట్లు ఐసీసీ ప్ర‌క‌టించింది.

ఐసీసీ చాంపియ‌న్స్ ట్రోఫీ విజేత‌ల జాబితా

ఐసీసీ చాంపియ‌న్స్ ట్రోఫీ ఆస‌క్తిక‌ర విష‌యాలు ఇవే..

• ఆస్ట్రేలియా 2006, 2009లో రెండుసార్లు ఐసీసీ చాంపియ‌న్స్ ట్రోఫీని నెగ్గింది. భార‌త్ సైతం 2002లో శ్రీ‌లంక‌తో సంయుక్త విజేత‌గా నిలువ‌గా.. 2013లో ఇంగ్లాండ్‌పై విజ‌యం సాధించింది టైటిల్‌ను గెలిచింది.
• 2002లో ఫైన‌ల్‌లో వ‌ర్షం కార‌ణంగా ఫైన‌ల్ మ్యాచ్ ర‌ద్దు కావ‌డంతో భార‌త్‌-శ్రీ‌లంక జ‌ట్లు సంయుక్త విజేత‌లుగా నిలిచాయి.
• ఐసీసీ చాంపియ‌న్స్ ట్రోఫీలో అత్య‌ధిక స్కోర్ చేసిన జ‌ట్టుగా న్యూజిలాండ్ నిలిచింది. 2025 మార్చి 5న ద‌క్షిణాఫ్రికాతో జ‌రిగిన ఫైన‌ల్ మ్యాచ్‌లో న్యూజిలాండ్ 6 వికెట్ల న‌ష్టానికి 362 ప‌రుగులు చేసింది.
• ఇక చాంపియ‌న్స్ ట్రోఫీలో అత్య‌ధిక ప‌రుగుల ఛేజింగ్ రికార్డు ఆస్ట్రేలియా పేరిట ఉన్న‌ది. 2025 ఐసీసీ చాంపియ‌న్స్ ట్రోఫీలో 352 ప‌రుగుల ల‌క్ష్యాన్ని ఛేదించే క్ర‌మంలో.. 5 వికెట్ల న‌ష్టానికి 356 ప‌రుగులు చేసి రికార్డు నెల‌కొల్పింది.
• అత్య‌ధిక వ్య‌క్తిగ‌త స్కోర్ రికార్డు ఆఫ్ఘ‌నిస్తాన్‌కు చెందిన ఇబ్ర‌హీం జ‌ద్రాన్ పేరిట ఉన్న‌ది. ఛాంపియ‌న్స్ ట్రోఫీ-2025 గ్రూప్ మ్యాచ్‌లో ఇంగ్లాండ్‌పై 177 ప‌రుగులు చేశాడు.
• భార‌త్ వ‌రుస‌గా మూడోసారి ఛాంపియ‌న్స్ ట్రోఫీలో ఫైన‌ల్‌కు చేరుకుంది. 2013, 2017, 2025లో వ‌రుస‌గా మూడోసారి ఫైన‌ల్స్‌కు అర్హ‌త సాధించింది.