హైదరాబాద్‌లో ఆలిండియా చెస్‌ టోర్నీలు

హైదరాబాద్‌ వేదికగా వీ4చెస్‌ ఆధ్వర్యంలో రెండు ఆలిండియా చెస్‌ టోర్నీలు జరుగనున్నాయి. సోమవారం బేగంపేట్‌లో జరిగిన విలేకర్ల సమావేశంలో వీ4 చెస్‌ ప్రతినిధులు రాము, అమిత్‌పాల్‌ సింగ్‌, సర్దార్‌ రిష్పాల్‌సింగ్‌తో కలిసి రాష్ట్ర చెస్‌ అసోసియేషన్‌ అధ్యక్షుడు ప్రసాద్‌ వివరాలు వెల్లడించారు.

అమీర్‌పేట్‌, అక్టోబర్‌ 17: హైదరాబాద్‌ వేదికగా వీ4చెస్‌ ఆధ్వర్యంలో రెండు ఆలిండియా చెస్‌ టోర్నీలు జరుగనున్నాయి. సోమవారం బేగంపేట్‌లో జరిగిన విలేకర్ల సమావేశంలో వీ4 చెస్‌ ప్రతినిధులు రాము, అమిత్‌పాల్‌ సింగ్‌, సర్దార్‌ రిష్పాల్‌సింగ్‌తో కలిసి రాష్ట్ర చెస్‌ అసోసియేషన్‌ అధ్యక్షుడు ప్రసాద్‌ వివరాలు వెల్లడించారు. ఈ పోటీల్లో ‘సర్దార్‌ బిషన్‌సింగ్‌ మెమోరియల్‌ ఆలిండియా ఓపెన్‌ ఫిడే రేటింగ్‌ టోర్నమెంట్‌’ను డిసెంబర్‌ 24 నుంచి 28 వరకు, రెండవదైన వి4 చెస్‌ ఆలిండియా ఓపెన్‌ ఫిడే రేటింగ్‌ టోర్నీ’ని ఫిబ్రవరిలో నిర్వహించనున్నట్టు తెలిపారు. ఈ పోటీలు యూసుఫ్‌గూడ స్టేడియంలో జరుగుతాయని తెలిపారు.