Gurukula Teacher | కాటారం గిరిజన గురుకుల ఆర్ట్‌ టీచర్‌ కళా నైపుణ్యం.. అగ్నిపుల్లపై వరల్డ్‌ కప్‌

జయశంకర్‌ భూపాలపల్లి జిల్లా కాటారం గిరిజన గురుకుల ఆర్ట్‌ టీచర్‌ ఆడెపు రజనీకాంత్‌ తన కళా నైపుణ్యంతో అగ్గిపుల్లపై వరల్డ్‌ కప్‌ను ఆవిష్కరించాడు. అగ్గిపుల్ల, చాక్‌పీస్‌, పెన్సిల్‌ గ్రాపైట్‌పై అతి చిన్న పరిమాణంలో వీటిని చెక్కాడు.

• కాటారం ఉపాధ్యాయుడి కళా సృష్టి

Gurukula Teacher | కాటారం: జయశంకర్‌ భూపాలపల్లి జిల్లా కాటారం గిరిజన గురుకుల ఆర్ట్‌ టీచర్‌ ఆడెపు రజనీకాంత్‌ తన కళా నైపుణ్యంతో అగ్గిపుల్లపై వరల్డ్‌ కప్‌ను ఆవిష్కరించాడు. అగ్గిపుల్ల, చాక్‌పీస్‌, పెన్సిల్‌ గ్రాపైట్‌పై అతి చిన్న పరిమాణంలో వీటిని చెక్కాడు. అగ్గిపుల్లపై 7 మి.మీ ఎత్తు, 2 మి.మీ వెడల్పుతో, చాక్‌పీస్‌పై 2.9 సెం.మీ ఎత్తు, 1 సెం.మీ వెడల్పుతో, పెన్సిల్‌ గ్రాఫిట్‌పై అతి చిన్న పరిమాణంలో 6 మి.మీ ఎత్తు, 2 మి.మీ వెడల్పు ఉన్న వరల్డ్‌ కప్‌ను సుమారు 5 గం.ల పాటు శ్రమించి తయారు చేసినట్లు తెలిపారు.

గతంలో సబ్బు, చాక్‌పీస్‌లపై అనేక కళాఖండాలను సృష్టించాడు. ప్రస్తుతం జరుగుతున్న క్రికెట్‌ పోటీలలో భారత్‌ వరల్డ్‌ కప్‌ సాధించాలని ఆకాంక్షతో వీటిని రూపొందించినట్లు తెలిపారు. పలువురు రజనీకాంత్‌ నైపుణ్యాన్ని అభినందించారు.