Most Searched Cricketer | గూగుల్‌లో ఎక్కువ మంది వెతికిన క్రికెట‌ర్ ఎవ‌రో తెలుసా..?

Most Searched Cricketer :  ఇంట‌ర్నెట్ సెర్చ్ ఇంజిన్ గూగుల్(Google) ఈ ఏడాదితో 25 ఏండ్లు పూర్తి చేసుకుంది. 25 వ వార్షికోత్స‌వం పూర్తి అయిన సంద‌ర్భంగా ఆ సంస్థ ఎక్కువ మంది సెర్చ్ చేసిన విష‌యాల‌పై ఒక వీడియోను విడుదల చేసింది. అందులో భాగంగానే 'మోస్ట్ సెర్చ్‌డ్ క్రికెట‌ర్...

Most Searched Cricketer :  ఇంట‌ర్నెట్ సెర్చ్ ఇంజిన్ గూగుల్(Google) ఈ ఏడాదితో 25 ఏండ్లు పూర్తి చేసుకుంది. 25 వ వార్షికోత్స‌వం పూర్తి అయిన సంద‌ర్భంగా ఆ సంస్థ ఎక్కువ మంది సెర్చ్ చేసిన విష‌యాల‌పై ఒక వీడియోను విడుదల చేసింది. అందులో భాగంగానే ‘మోస్ట్ సెర్చ్‌డ్ క్రికెట‌ర్(Most Searched Cricketer), మోస్ట్ సెర్చ్‌డ్ అథ్లెట్(Most Searched Athlete)’ వివ‌రాల‌ను వెల్ల‌డించింది.

ఈ 25 ఏండ్ల‌ కాలంలో ఎక్కువ మంది యూజ‌ర్లు వెతికిన క్రికెట‌ర్ ఎవ‌రో తెలుసా..? విరాట్ కోహ్లీ(Virat Kohli). ప్ర‌పంచ క్రికెట్‌లో అత్యుత్త‌మ ప్లేయ‌ర్ ఆయిన కోహ్లీ ఫిట్‌నెస్‌లోనూ రారాజే. అందుక‌నే అత‌డి కోసం యూజ‌ర్లు నెట్‌లో తెగ వెతికారట‌. ఈ జాబితాలో మ‌రో భార‌త క్రికెట‌ర్లు ఉన్నారు. స‌చిన్ టెండూల్క‌ర్, మ‌హేంద్ర సింగ్ ధోనీ, రోహిత్ శ‌ర్మ వివ‌రాల కోసం సెర్చ్ చేశారు.

విరాట్ కోహ్లీ

If the last 25 years have taught us anything, the next 25 will change everything. Here’s to the most searched moments of all time. #YearInSearch pic.twitter.com/MdrXC4ILtr

— Google (@Google) December 11, 2023

ఇక అథ్లెట్ విష‌యానొకిస్తే.. స్టార్ ఫుట్‌బాల‌ర్ క్రిస్టియానో రొనాల్డో(Cristiano Ronaldo) టాప్‌లో నిలిచాడు. సాక‌ర్ దిగ్గ‌జాల్లో ఒక‌డైన‌ అర్జెంటీనా కెప్టెన్ లియోన‌ల్ మెస్సీని సైతం రొనాల్డో వెన‌క్కి నెట్టడం విశేషం. 38 ఏండ్ల రొనాల్డో వ‌య‌సు పెరుగుతున్నా కొద్దీ మ‌రింత రాటు దేలుతున్నాడు. గ‌తంలో రియ‌ల్ మాడ్రిడ్, మాంచెస్ట‌ర్ యూనైటెడ్ క్ల‌బ్స్ త‌ర‌ఫున అద‌ర‌గొట్టిన ఈ ఫార్వ‌ర్డ్ ప్లేయ‌ర్.. ఈ మ‌ధ్యే సౌదీ అరేబియాకు చెందిన అల్ నస్రీ క్ల‌బ్‌కు మారిన విష‌యం తెలిసిందే.

క్రిస్టియానో రొనాల్డో

అండ‌ర్ -19 వ‌ర‌ల్డ్ క‌ప్ హీరోగా జాతీయ జ‌ట్టులోకి వ‌చ్చిన విరాట్.. అన‌తికాలంలోనే తానెంటో నిరూపించుకున్నాడు. ఛేజ్ మాస్ట‌ర్‌గా వెలుగొందుతూనూ ప‌లు రికార్డులు బ‌ద్ధ‌లు కొట్టాడు. త‌న ఆరాధ్య ఆట‌గాడు సచిన్ నెల‌కొల్పిన అనిత‌ర సాధ్య‌మైన ప‌లు మైలురాళ్ల‌ను కోహ్లీ అధిగ‌మిస్తూ వ‌స్తున్నాడు.

ధోనీ వార‌సుడిగా జ‌ట్టు ప‌గ్గాలు అందుకున్న కోహ్లీ దూకుడైన ఆట‌తో స‌హ‌చ‌రుల్లో స్ఫూర్తిని నింపాడు. తాజాగా వ‌న్డే వ‌ర‌ల్డ్ క‌ప్‌లో విరాట్ 50వ వ‌న్డే శ‌త‌కంతో స‌చిన్‌ను మించిపోయాడు. అంతేకాదు ప్ర‌స్తుతం ఆడుతున్న వాళ్ల‌లో మాస్ట‌ర్ బ్లాస్ట‌ర్ 100 సెంచ‌రీ రికార్డును బ్రేక్ చేసే స‌త్తా ఉన్న ఏకైక క్రికెటర్ కోహ్లీనే.

ఇవి కూడా చ‌ద‌వండి

• Anjani kumar | మాజీ డీజీపీ అంజనీ కుమార్‌పై సస్పెన్షన్‌ ఎత్తివేత
• Anasuya Bharadwaj | సొసగైన అందచందాలతో అలరిస్తున్న అనసూయ భరద్వాజ్..
• Hyderabad Traffic | ఈ నగరానికి ఏమైంది.. హైదరాబాద్‌లో పెరుగుతున్న ట్రాఫిక్‌ రద్దీ