Gautam Gambhir | కోచ్‌గా గంభీర్ తొలి రియాక్ష‌న్ ఇదే..!

Gautam Gambhir : భార‌త జ‌ట్టు హెడ్‌కోచ్‌గా ఎంపికైన గౌతం గంభీర్ (Gautam Gambhir) ఎక్స్ పోస్ట్‌ ద్వారా త‌న సంతోషాన్ని వ్య‌క్తం చేశాడు. ప్ర‌ధాన కోచ్‌గా నియ‌మితుల‌య్యాక తొలిసారి స్పందించిన గౌతీ.. యావత్ దేశానికి కోచ్‌గా తన ఉద్దేశాన్ని సూటిగా చెప్పేశాడు.

July 9, 2024 / 09:07 PM IST

Gautam Gambhir | కోచ్‌గా గంభీర్ తొలి రియాక్ష‌న్ ఇదే..!

Gautam Gambhir : భార‌త జ‌ట్టు హెడ్‌కోచ్‌గా ఎంపికైన గౌతం గంభీర్ (Gautam Gambhir) ఎక్స్ పోస్ట్‌ ద్వారా త‌న సంతోషాన్ని వ్య‌క్తం చేశాడు. ప్ర‌ధాన కోచ్‌గా నియ‌మితుల‌య్యాక తొలిసారి స్పందించిన గౌతీ.. యావత్ దేశానికి కోచ్‌గా తన ఉద్దేశాన్ని సూటిగా చెప్పేశాడు.

‘భార‌త దేశం నా గుర్తింపు. దేశానికి సేవ చేయ‌డం నా జీవితంలో ద‌క్కిన గొప్ప గౌర‌వం. మ‌ళ్లీ టీమిండియాతో క‌లిసినందుకు సంతోసంగా ఉన్నా. అయితే.. ఈసారి కొత్త పాత్ర చేప‌ట్ట‌బోతున్నా. కానీ, ప్ర‌తి భార‌తీయుడు గ‌ర్వ‌ప‌డేలా చేయాల‌నే నా లక్ష్యం మాత్రం మార‌దు. నూట‌న‌ల‌భై కోట్ల మంది భార‌తీయుల క‌ల‌లు, ఆశ‌లు టీమిండియా క్రికెట‌ర్ల భుజాల‌పై ఉన్నాయి. అందుక‌ని కోట్లాది మంది క‌ల‌ల్ని నిజం చేసేందుకు నా బాధ్య‌త‌లు నిర్వ‌ర్తిస్తాను’ అని గౌతీ వెల్ల‌డించాడు.

India is my identity and serving my country has been the greatest privilege of my life. I’m honoured to be back, albeit wearing a different hat. But my goal is the same as it has always been, to make every Indian proud. The men in blue shoulder the dreams of 1.4 billion Indians… pic.twitter.com/N5YyyrhXAI

— Gautam Gambhir (@GautamGambhir) July 9, 2024

శ్రీ‌లంక సిరీస్‌తో…

భార‌త పురుషుల‌ జ‌ట్టు ప్ర‌ధాన కోచ్‌గా మాజీ క్రికెట‌ర్ గౌతం గంభీర్‌ నియ‌మితుల‌య్యాడు. దాంతో, గ‌త కొన్ని రోజులుగా కొన‌సాగుతున్న సందిగ్ధానికి తెర‌ప‌డింది. మంగ‌ళ‌వారం బీసీసీఐ సెక్ర‌ట‌రీ జై షా అధికార‌క ప్ర‌క‌ట‌న వెల్ల‌డించాడు. ప్ర‌ధాన కోచ్‌గా రాహుల్ ద్ర‌విడ్ స్థానాన్ని గంభీర్‌ను భ‌ర్తీ చేస్తున్న‌ట్టు షా తెలిపాడు. రెండేండ్లు గంభీర్ ప‌ద‌విలో కొన‌సాగ‌నున్నాడు. త్వ‌ర‌లో జ‌రుగ‌బోయే శ్రీ‌లంక సిరీస్‌తో కోచ్‌గా గంభీర్‌కు తొలి ప‌రీక్ష ఎదుర‌వ్వ‌నుంది.