పిజ్జాలంటే ఇష్ట‌మ‌న్న మీరాబాయి.. జీవిత‌కాలం ఫ్రీగా ఇస్తామ‌న్న డొమినోస్
న్యూఢిల్లీ: ఒలింపిక్స్‌లో సిల్వ‌ర్ మెడ‌ల్‌తో నేష‌న‌ల్ హీరో అయిపోయింది వెయిట్‌లిఫ్ట‌ర్ మీరాబాయి చాను. రెండు ద‌శాబ్దాల త‌ర్వాత ఒలింపిక్స్ వెయిట్‌లిఫ్టింగ్‌లో మెడ‌ల్ సాధించిపెట్టిన ఆమెపై ప్ర‌శంస‌ల‌తోపాటు అవార్డులు, రివార్డులు కూడా కురుస్తున్నాయి. తాజాగా డొమినోస్ పిజ్జా కూడా ఓ బంప‌ర్ ఆఫ‌ర్ ఇచ్చింది. మీరాబాయికి పిజ్జా అంటే చాలా ఇష్ట‌మ‌ట. ఈ విష‌యాన్ని మెడ‌ల్ గెలిచిన త‌ర్వాత ఎన్డీటీవీకి ఇచ్చిన ఇంట‌ర్వ్యూలో చెప్పింది. ముందు నేను పిజ్జా తింటాను. దానిని తిని చాలా రోజులైంది అని ఆమె చెప్పింది.
మీరాబాయి చెప్పిన మాట విన్న డొమినోస్ పిజ్జా వెంట‌నే ఓ ట్వీట్ చేసింది. మెడ‌ల్‌ను తీసుకొస్తున్నందుకు కంగ్రాట్స్‌. వంద కోట్ల‌కుపైగా భార‌తీయుల క‌ల‌ల‌ను సాకారం చేశావు. అందుకే నీకు జీవిత‌కాలం ఉచితంగా పిజ్జా ఇవ్వ‌డం కంటే సంతోషం మాకు మ‌రొక‌టి ఉండ‌దు అని డొమినోస్ ట్వీట్ చేసింది.
Read Today's Latest Sports News in Telugu and Telugu News
- Follow Us :
-
