ISSF World Cup | షూట‌ర్ దివ్యాన్ష్‌కు స్వ‌ర్ణం.. వెండితో మెరిసిన సోన‌మ్

ISSF World Cup : ప్ర‌తిష్ఠాత్మ‌క‌ అంత‌ర్జాతీయ షూటింగ్ స్పోర్ట్ స‌మాఖ్య‌ వ‌ర‌ల్డ్ క‌ప్‌(ISSF World Cup)లో భార‌త‌ యువ స్పిన్న‌ర్ దివ్యాన్ష్ సింగ్ ప‌న్వార్(Divyansh Singh Panwar) అద‌ర‌గొట్టాడు. రికార్డు స్కోర్‌తో దేశానికి రెండో బంగారు..

January 29, 2024 / 10:46 AM IST

ISSF World Cup | షూట‌ర్ దివ్యాన్ష్‌కు స్వ‌ర్ణం.. వెండితో మెరిసిన సోన‌మ్

ISSF World Cup : ప్ర‌తిష్ఠాత్మ‌క‌ అంత‌ర్జాతీయ షూటింగ్ స్పోర్ట్ స‌మాఖ్య‌ వ‌ర‌ల్డ్ క‌ప్‌(ISSF World Cup)లో భార‌త‌ యువ స్పిన్న‌ర్ దివ్యాన్ష్ సింగ్ ప‌న్వార్(Divyansh Singh Panwar) అద‌ర‌గొట్టాడు. రికార్డు స్కోర్‌తో దేశానికి రెండో బంగారు ప‌త‌కం అందించాడు. ఈజిప్ట్‌లో ఆదివారం జ‌రిగిన‌ ఇంట‌ర్నేష‌న‌ల్ ఒలింపిక్ సిటీ షూటింగ్ 10 మీట‌ర్ల ఎయిర్ రైఫిల్ పిస్ట‌ల్ ఫైన‌ల్లో దివ్యాన్ష్‌ రికార్డు స్కోర్ సాధించాడు. మ‌హిళ‌ల విభాగంలో సోన‌మ్ ఉత్త‌మ్ మ‌స్క‌ర్(Sonam Uttam Maskar) వెండి వెలుగ‌లు విర‌జిమ్మింది.

24 షూట్ల‌లో 21 ఏండ్ల దివ్యాన్ష్ 253.7 స్కోర్‌తో చైనాకు చెందిన షెంగ్ లిహా(Sheng Lihao)వో రికార్డును బ్రేక్ చేశాడు. దాంతో, షెంగ్ గ‌తంలో 253.3 స్కోర్‌తో రెండో స్థానానికి ప‌రిమిత‌మ‌య్యాడు. ఇట‌లీ షూట‌ర్ డానీ సొల్లాజో(Dani Sollazo) 1.9 స్కోర్‌తో వెండి ప‌త‌కం గెలుచుకున్నాడు.

Divyansh Singh Panwar of India 🇮🇳 shoots World Record to win Gold🥇in Men’s 10m Air Rifle at the ISSF World Cup in Cairo, Egypt. #indianshooting pic.twitter.com/lg1ws4XbOH

— indianshooting.com (@indianshooting) January 28, 2024

సొల్లాజోతో హోరాహోరీగా సాగిన‌ ఫైన‌ల్లో దివ్యాన్ష్ గురి అస్స‌లు త‌ప్ప‌లేదు. ఒక్క‌సారి కూడా అత‌డు 10 కంటే త‌క్కువ స్కోర్ చేయ‌లేదు. నాలుగో, ఆరో ప్ర‌య‌త్నంలో ఈ యంగ్ షూట‌ర్ ఏకంగా 10.9 స్కోర్ సాధించాడు. అంత‌కుముందు క్వాలిఫికేష‌న్ రౌండ్‌లో 632.4 స్కోర్‌తో ప్ర‌పంచ రికార్డు సృష్టించిన దివ్యాన్ష్ టేబుల్ టాప‌ర్‌గా నిలిచాడు. అదే జోరును ఫైన‌ల్లోనూ క‌న‌బ‌రిచి గోల్డ్ మెడ‌ల్ ద‌క్కించుకున్నాడు.

Sonam Uttam Maskar of India 🇮🇳 wins Silver🥈in Women’s 10m Air Rifle at the ISSF World Cup in Cairo, Egypt. #indianshooting pic.twitter.com/lwgEX9JpDd

— indianshooting.com (@indianshooting) January 28, 2024

‘గోల్డ్ మెడ‌ల్ సాధించ‌డంతో చాలా గ‌ర్వంగా ఉంది. చివ‌ర్ల‌లో అత్యుత్త‌మ ప్ర‌తిభ క‌న‌బ‌రిచినందుకు ప‌ట్ట‌లేనంతో సంతోషంతో ఉన్నా. ఈ విజ‌యం నాలో అంతులేని ఆత్మ‌విశ్వాసాన్ని నింపింది. ఈ ఏడాదంతా జోరు కొన‌సాగించేందుకు స్ఫూర్తినిచ్చింది’ అని ఫైన‌ల్ అనంతరం దివ్యాన్స్ వెల్ల‌డించాడు. ఐఎస్ఎస్ఎఫ్ వ‌ర‌ల్డ్ క‌ప్‌లో భార‌త షూట‌ర్లు రెండు ప‌సిడి, ర‌జ‌త ప‌త‌కాల‌తో పాటు ఒక కాంస్య ప‌త‌కం గెలిచారు.