IPL 2023 : గెలవక తప్పని మ్యాచ్లో ఢిల్లీ క్యాపిటల్స్(Delhi Capitals) బౌలర్లు సత్తా చాటారు. కోల్కతా నైట్ రైడర్స్ను 127 పరుగులకు కట్టడి చేశారు. ఢిల్లీ బౌలర్ల ధాటికి ప్రధాన బ్యాటర్లంతా చేతులెత్తేశారు. జేసన్ రాయ్(43) టాప్ స్కోరర్. ఆఖర్లో ఆండ్రూ రస్సెల్(38) పోరాడడంతో కోల్కతా స్కోర్ వంద దాటింది. ముఖేశ్ కుమార్ వేసిన 20వ ఓవర్లో ఆండ్రూ రస్సెల్(38) దంచాడు. హ్యాట్రిక్ సిక్స్లు బాదాడు. 19 రన్స్ వచ్చాయి. ఆఖరి బంతికి వరుణ్ చక్రవర్తి రనౌటయ్యాడు. దాంతో కోల్కతా 127 పరుగులకు ఆలౌట్ అయింది.
Innings break!
An all-round bowling performance from @DelhiCapitals restricts #KKR to 127 in the first innings.
Can @KKRiders defend this? Chase coming up shortly!
Scorecard ▶️ https://t.co/CYENNIiaQp #TATAIPL | #DCvKKR pic.twitter.com/onOyC4qhlL
— IndianPremierLeague (@IPL) April 20, 2023
మరోసారి కొత్త ఓపెనింగ్ జోడీని పరీక్షించిన కోల్కతాకు శుభారంభం దక్కలేదు. ఓపెనర్ లిట్టన్ దాస్ (4)ను రెండో ఓవర్లో ముఖేశ్ కుమార్ ఔట్ చేశాడు. గత మ్యాచ్లో సెంచరీ కొట్టిన వెంకటేశ్ అయ్యర్(0)ను అన్రిజ్ నార్జ్ డకౌట్ చేశాడు. ఆ తర్వాత నితీశ్ రానా(4)ను ఇషాంత్ శర్మ ఔట్ చేశాడు. దాంతో, 32 రన్స్కే మూడు వికెట్లు పడ్డాయి. మన్దీప్ సింగ్(12)ను అక్షర్ పటేల్ బౌల్డ్ చేయడంతో కోల్కతా కష్టాల్లో పడింది. రింకూ సింగ్(5), సునీల్ నరైన్(4) విఫలమయ్యారు. 70 పరుగులకే ఆరు వికెట్లు పడిన కోల్కతాను జేసన్ రాయ్(43), ఆండ్రూ రస్సెల్() ఆదుకున్నారు. అయితే… కుల్దీప్ యాదవ్ 15వ ఓవర్లో వరుస బంతుల్లో జేసన్ రాయ్(43), ఇంపాక్ట్ ప్లేయర్ అంకుల్ రాయ్(0)ను ఔట్ చేశాడు. ఢిల్లీ బౌలర్లలో కుల్దీప్ యాదవ్, ఇషాంత్ శర్మ అన్రిజ్ నార్జ్, అక్షర్ పటేల్ రెండేసి వికెట్లు తీశారు.