Daryl Mitchell : దక్షిణాఫ్రికాతో రెండో టెస్టుకు ముందు న్యూజిలాండ్కు పెద్ద షాక్ తగిలింది. స్టార్ ఆల్రౌండర్ డారిల్ మిచెల్(Daryl Mitchell) గాయపడ్డాడు. ప్రాక్టీస్ సెషన్లో మిచెల్ బొటన వేలి(Toe Injury)కి గాయమైంది. దాంతో మేనేజ్మెంట్ అతడి విశ్రాంతినిచ్చింది. కోలుకునేందుకు ఎక్కువ సమయం పట్టనుంది.
దాంతో, ఈ ఆల్రౌండర్ ఆస్ట్రేలియాతో టీ20 సిరీస్కు కూడా దూరమయ్యే అవకాశం ఉంది. ఆడ విల్ ఒ రూర్కీ స్క్వాడ్లో కలువనున్నాడు. అయితే.. రెండో టెస్టుకు మిచెల్ స్థానంలో విల్ యంగ్ను ఆడిస్తారనే వార్తలు వినిపిస్తున్నాయి. ‘మూడు ఫార్మాట్ల స్క్వాడ్లో మిచెల్ ఎంతో కీలకమైన ఆటగాడు. ఈ ఏడాది షెడ్యూల్ దృష్ట్యా అతడు రిహాబిలిటేషన్లో ఎక్కువ సమయం గడిపేందుకు అనుమతిస్తున్నాం. తర్వాతి మ్యాచులకు అతడు పూర్తిగా కోలుకుంటాడని ఆశిస్తున్నాం’ అని హెడ్కోచ్ గ్యారీ స్టీడ్ ఓ ప్రకటనలో తెలిపాడు.
A long-term foot injury forces Daryl Mitchell out of New Zealand’s next four games; aims for recovery before the Australia Tests
👉 https://t.co/CKxePuoS7l pic.twitter.com/li0V1b0wSV
— ESPNcricinfo (@ESPNcricinfo) February 8, 2024
అంతేకాదు ఆసీస్తో మూడు టీ20ల సిరీస్కు కేన్ విలియమ్సన్ కూడా దూరమయ్యే అవకాశం ఉందని స్టీడ్ చెప్పాడు. ‘కేన్ భార్య ఇప్పుడు గర్భవతి. టీ20 సిరీస్ సమయానికి అతడు ఆమెతో ఉంటాడు. ఈ సిరీస్ కోసం స్పీడ్స్టర్ ట్రెంట్ బౌల్ట్ను తీసుకుంటాం’ అని స్టీడ్ వెల్లడించాడు.
డారిల్ మిచెల్
ఇండియన్ ప్రీమియర్ లీగ్ 17వ సీజన్ ముందు మిచెల్ గాయపడడం చెన్నై సూపర్ కింగ్స్(Chennai Super Kings)కు పెద్ద షాకే. ఎందుకంటే..? మిడిలార్డర్లో దంచికొట్టే మిచెల్.. బంతితోనూ మాయ చేయగలడు. నిరుడు వన్డే వరల్డ్ కప్లో అతడు టీమిండియాపై సెంచరీ బాదాడు. దాంతో దుబాయ్లో జరిగిన మినీ వేలంలో చెన్నై అతడిని రూ. 14 కోట్లకు కొన్న విషయం తెలిసిందే.