David Miller : పొట్టి క్రికెట్లో దక్షిణాఫ్రికా ఆటగాడు డేవిడ్ మిల్లర్(David Miller) రికార్డు సృష్టించాడు. 10 వేల పరుగులు పూర్తి చేసుకున్నాడు. స్వదేశంలో జరుగుతున్న ఎస్ఏ20(SA20) రెండో సీజన్లో మిల్లర్ ఈ ఫీట్ సాధించాడు. పార్ల్ రాయల్స్(Paarl Royals)కు ఆడుతున్న మిల్లర్ బుధవారం జోబర్గ్ సూపర్ కింగ్స్(Joburg Super Kings)తో జరిగిన ఎలిమినేటర్ మ్యాచ్లో మిల్లర్ 47 రన్స్ కొట్టాడు. దాంతో టీ20ల్లో పరుగుల మైలురాయికి చేరుకున్న తొలి దక్షిణాఫ్రికా ఆటగాడిగా మిల్లర్ చరిత్రపుటల్లోకెక్కాడు.
ఈ ఫీట్తో అతడు వెస్టిండీస్ మాజీ ఓపెనర్ క్రిస్ గేల్, భారత క్రికెటర్ విరాట్ కోహ్లీ()ల సరసన చేరాడు. మొత్తంగా ఈ ఫార్మాట్లో 10 వేల రన్స్ కొట్టిన 12 క్రికెటర్గా ఈ చిచ్చరపిడుగు గుర్తింపు సాధించాడు. పొట్టి ఫార్మాట్లో అత్యధిక రన్స్ కొట్టిన సఫారీ క్రికెటర్లలో మిల్లర్ అగ్రస్థానంలో నిలవగా.. మాజీ కెప్టెన్ డివిలియర్స్ (AB de Villiers ) ఫాఫ్ డూప్లెసిస్(Faf du Plessis)లు 9 వేల పరుగులు సాధించారు.
క్రిస్ గేల్, విరాట్ కోహ్లీ
పొట్టి క్రికెట్లో 10 వేల పరుగులు చేసిన 12 మందిలో క్రిస్ గేల్ టాప్ ర్యాంక్లో ఉన్నాడు. ఈ మాజీ విధ్వంసక ఓపెనర్ ఖాతాలో 14,562 రన్స్ ఉన్నాయి. పాక్ మాజీ ఆల్రౌండర్ 13,077 రన్స్తో రెండో స్థానంలో కొనసాగుతున్నాడు. కీరన్ పోలార్డ్(12,577), అలెక్స్ హేల్స్(12,002), విరాట్ కోహ్లీ(11,994), డేవిడ్ వార్నర్(11,860), అరోన్ ఫించ్(11,458), రోహిత్ శర్మ(11,156), జోస్ బట్లర్(11,146), కొలిన్ మన్రో(10,602), జేమ్స్ విన్సే(10,019)లు పది వేల పరుగుల వీరుల జాబితాలో ఉన్నారు.