KKR vs RR | బ‌ట్ల‌ర్ విధ్వంస‌క శ‌త‌కం.. ఒంటిచేత్తో రాజ‌స్థాన్‌ను గెలిపించేశాడు

KKR vs RR : ఉత్కంఠ పోరాటాల‌తో రంజుగా సాగుతున్న‌ ప‌దిహేడో సీజ‌న్‌లో మ‌రో థ్రిల్ల‌ర్ ఫ్యాన్స్‌ను ఉర్రూత‌లూగించింది. రాజస్థాన్ రాయ‌ల్స్(Rajasthan Royals) జ‌య‌భేరి మోగించింది. విధ్వంస‌క‌ ఓపెన‌ర్ జోస్ బ‌ట్ల‌ర్ (107 నాటౌట్‌) ఒంటిచేత్తో సంజూ సేన‌ను గెలిపించాడు.

KKR vs RR : ఉత్కంఠ పోరాటాల‌తో రంజుగా సాగుతున్న‌ ప‌దిహేడో సీజ‌న్‌లో మ‌రో థ్రిల్ల‌ర్ ఫ్యాన్స్‌ను ఉర్రూత‌లూగించింది. టేబుల్ టాప‌ర్స్ నువ్వానేనా అన్న‌ట్టు పోటీప‌డిన మ్యాచ్‌లో రాజస్థాన్ రాయ‌ల్స్(Rajasthan Royals) జ‌య‌భేరి మోగించింది. విధ్వంస‌క‌ ఓపెన‌ర్ జోస్ బ‌ట్ల‌ర్(107 నాటౌట్‌) ఒంటిచేత్తో సంజూ సేన‌ను గెలిపించాడు. మెగా టోర్నీలో రెండో సెంచ‌రీతో కోల్‌క‌తా నైట్ రైడ‌ర్స్ నుంచి విజ‌యాన్ని లాగేసుకున్నాడు. కోల్‌క‌తా స్టార్ సునీల్ న‌రైన్(109, 2/30) ఆల్‌రౌండ్ షోతో అద‌ర‌గొట్టినా లాభం లేక‌పోయింది. ఈ విజ‌యంతో రాజ‌స్థాన్ టేబుల్ టాప‌ర్‌గా త‌న స్థానాన్ని ప‌దిలం చేసుకుంది.

 

ఐపీఎల్‌లో వ‌రుస‌గా భారీ స్కోర్లు న‌మోదైన మ్యాచ్‌లో కోల్‌క‌తా పంజా విసిరింది. న‌రైన్ విధ్వంస‌క సెంచ‌రీతో రాజ‌స్థాన్‌కు రెండొంద‌ల పైనే టార్గెట్ ఇచ్చింది. అయితే.. ఈ సీజ‌న్‌లో నిరాశ‌ప‌రుస్తున్న య‌శ‌స్వీ(19) మ‌రోసారి విఫ‌ల‌మ‌య్యాడు. వైభ‌వ్ అరోరా బౌలింగ్‌లో వ‌రుస‌గా సిక్స్, ఫోర్ బాదిన య‌శ‌స్వీ మూడో బంతికి ఔట‌య్యాడు. ఇక 2 ప‌రుగుల వ‌ద్ద వ‌రుణ్ చ‌క్ర‌వ‌ర్తి క్యాచ్ వ‌దిలేయ‌డంతో బ‌తికిపోయిన శాంస‌న్ సైతం అవ‌కాశాన్ని స‌ద్వినియోగం చేసుకోలేక‌పోయాడు. హ‌ర్షిత్ రానా ఓవ‌ర్లో భారీ షాట్ ఆడి న‌రైన్‌కు దొరికాడు. ఆప‌ద్భాంద‌వుడు రియాన్ ప‌రాగ్(34) వ‌చ్చీ రాగానే బౌండ‌రీలు బాదేయ‌డంతో రాజ‌స్థాన్ విజ‌యంపై ధీమాతోనే ఉంది.

ప‌రాగ్ వికెట్‌తో మొద‌లు

కానీ, రియాన్ ప‌రాగ్ వికెట్‌తో రాజ‌స్థాన్ ప‌త‌నం మొద‌లైంది. హ‌ర్షిత్ రానా ఓవ‌ర్‌లో ప‌రాగ్.. ర‌స్సెల్ చేతికి చిక్కాడు. ఆ త‌ర్వాత వ‌చ్చిన ధ్రువ్ జురెల్(2) మ‌రోసారి నిరాశ‌ప‌రుస్తూ ఎల్బీగా వెనుదిరిగాడు. దాంతో, 100కే రాజ‌స్థాన్ నాలుగు కీల‌క వికెట్లు కోల్పోయింది. ఆ ద‌శ‌లో హిట్ట‌ర్లు హెట్‌మైర్, పావెల్‌ను కాద‌ని అశ్విన్‌ను ఆర్డ‌ర్‌లో ముందు పంపడం బెడిసికొట్టింది. 10 బాల్స్ ఆడిన అశ్విన్ 8 ర‌న్స్‌కే వెనుదిరిగాడు. వ‌రుణ్ చ‌క్ర‌వ‌ర్తి ఒకే ఓవ‌ర్‌లో అశ్విన్‌, గ‌త మ్యాచ్ హీరో హెట్‌మైర్(0)ల‌ను ఔట్ చేసి హ్యాట్రిక్‌పై నిలిచాడు. అయితే.. రొవ్‌మ‌న్ పావెల్(26) సింగిల్ తీసి బ‌తికిపోయాడు.

𝗔 𝗛𝘂𝗻𝗱𝗿𝗲𝗱 𝘁𝗼 𝗦𝗮𝘃𝗼𝗿 😍😍

Jos Buttler gets his 2️⃣nd ton of the season 👏👏

Follow the Match ▶️ https://t.co/13s3GZLlAZ #TATAIPL | #KKRvRR pic.twitter.com/GBKwMN8DIY

— IndianPremierLeague (@IPL) April 16, 2024

అప్ప‌టికీ ర‌న్‌రేట్ 15 దాట‌డంతో బ‌ట్ల‌ర్ గేర్ మార్చాడు. చ‌క్ర‌వ‌ర్తి వేసిన 15వ ఓవ‌ర్‌లో ఏకంగా నాలుగు ఫోర్లు బాదాడు. ఆ త‌ర్వాత పావెల్ ఇక నా వంతు అన్న‌ట్టు న‌రైన్‌ను ఉతికేస్తూ వ‌రుస‌గా 4, 6, 6 బాది త‌ర్వాతి బంతికి ఎల్బీగా ఔట‌య్యాడు. అయినా వెనుకంజ వేయ‌నని బ‌ట్ల‌ర్ హ‌ర్షిత్ రానా వేసిన 19వ ఓవ‌ర్‌లో 19 ప‌రుగులు పిండుకున్నాడు. చ‌క్ర‌వ‌ర్తి వేసిన 20వ ఓవర్‌లో 6 బంతుల్లో 9 ర‌న్స్ అవ‌స‌రం కాగా.. బ‌ట్ల‌ర్(107 నాటౌట్‌) తొలి బంతికే సిక్స్ బాదాడు.

న‌రైన్ తొలి సెంచ‌రీతో..

ఈడెన్ గార్డెన్స్‌లో తొలుత ఆడిన‌ కోల్‌క‌తా నైట్ రైడ‌ర్స్ భారీ స్కోర్ చేసింది. ఓపెన‌ర్ సునీల్ నరైన్(109) వందకు సింగ్(20) మెరుపులు తోడ‌వ్వ‌డంతో కోల్‌క‌తా మ‌ళ్లీ రెండొంద‌లు కొట్టింది. నిర్ణీత ఓవ‌ర్ల‌లో అయ్య‌ర్ సేన‌ 6 వికెట్ల న‌ష్టానికి ర‌న్స్ చేసింది. రాజ‌స్థాన్ బౌల‌ర్ల‌ను ఉతికారేసిన న‌రైన్ ఈ సీజ‌న్‌లో సెంచ‌రీ బాదిన ఐదో క్రికెట‌ర్‌గా.. కోల్‌క‌తా త‌ర‌ఫున ఐపీఎల్‌లో శ‌త‌కం సాధించిన మూడో ఆట‌గాడిగా రికార్డు నెల‌కొల్పాడు.

Appreciation all round 👏

Well done Sunil Narine 👌

Follow the Match ▶️https://t.co/13s3GZLlAZ #TATAIPL | #KKRvRR | @KKRiders pic.twitter.com/uXHSvuvnFb

— IndianPremierLeague (@IPL) April 16, 2024

ఫిలిప్ సాల్ట్(10) స్వ‌ల్ప స్కోర్‌కే వెనుదిరిగినా.. ర‌ఘువంశీ(30)తో కీల‌క భాగ‌స్వామ్యం నెల‌కొల్పిన న‌రైన్ రాజస్థాన్ బౌల‌ర్ల‌ను ఉతికేశాడు. చాహ‌ల్ బౌలింగ్‌లో రెండు సిక్స్‌లు, రెండు ఫోర్లతో 49 బంతుల్లోనే సెంచ‌రీ పూర్తి చేసుకున్నాడు. చివ‌ర్లో రింకూ సింగ్(20) ధ‌నాధ‌న్ ఆడి కోల్‌క‌తాకు భారీ స్కోర్ అందించాడు. రాజ‌స్థాన్ బౌల‌ర్ల‌లో అవేశ్ ఖాన్, కుల్దీప్ సేన్‌లు త‌లా రెండేసి వికెట్లు ప‌డ‌గొట్టారు.