Bull stops play : క్రికెట్ మ్యాచ్లకు వర్షం అంతరాయం కలిగించడం చూశాం. కానీ, ఇక్కడ మాత్రం ఓ ఎద్దు(Bull) మ్యాచ్కు అడ్డుపడింది. ఓ మైదానంలో మ్యాచ్ జరుగుతుండగా ఎద్దు అమాంతం గ్రౌండ్ లోకి దూసుకొచ్చింది. ఆటగాళ్లు దాన్ని అదిలించినా అదరక బెదరక నానా హంగా సృష్టించింది. ఏ ఒక్కరినీ వదలకుండా ఆ ఎద్దు అందర్నీ అటాక్ చేసింది.
దాంతో, ఏం చేయాలో అర్థంకాక ఆటగాళ్లంతా ప్రాణాలు కాపాడుకునేందుకు తలోదిక్కుకు పరుగెత్తారు. మ్యాచ్ చూసేందుకు వచ్చిన వాళ్ల సైతం ఒకింత ఆశ్చర్యానికి గురయ్యారు. అసలేం జరిగిందంటే.. ఒక మారుమూల ప్రాంతంలో చిన్నపాటి క్రికెట్ టోర్నమెంట్ జరుగుతోంది. అక్కడ టెన్నిస్ బాల్తో కొందరు క్రికెట్ ఆడుతున్నారు. అక్కడికి రెండు ఎద్దులు వచ్చాయి.
When the bulls want to play cricket 🐂🏏 pic.twitter.com/SkrM9lbpzU
— Sameer Allana (@HitmanCricket) February 19, 2024
వాటిలో ఒకటి ఒక్కసారిగా మైదానంలోకి దూసుకొచ్చి హల్చల్ చేసింది. దాని దూకుడు చూసి అంపైర్తో సహా బౌలింగ్ చేసే కుర్రాడు, ఇతర ఆటగాళ్లంతా ప్రాణ భయంతో పరుగులు తీశారు. ఓ ఎక్స్ యూజర్ పోస్ట్ చేసిన ఈ వీడియో ప్రస్తుతం ఆన్లైన్లో వైరల్ అవుతోంది. ఈ వీడియో చూడ్డానికి నవ్వు తెప్పించేలా ఉన్నా వెన్నులో వణుకుపుట్టడం ఖాయం.