Bopanna: మాడ్రిడ్ ఓపెన్ ఫైన‌ల్లోకి బొప‌న్న జోడి

Rohan Bopanna: మాడ్రిడ్ ఓపెన్ ఫైన‌ల్లోకి రోహ‌న్ బొప్ప‌న్న జోడి ప్ర‌వేశించింది. సెమీస్‌లో బొప్ప‌న్న‌-మాథ్యూ జంట‌ 5-7, 7-6, 10-4 స్కోరుతో గొంజాలెజ్‌-వాసిలిన్ జోడిపై గెలుపొందారు.

మాడ్రిడ్‌: మాడ్రిడ్ ఓపెన్ మెన్స్ డ‌బుల్స్ ఫైన‌ల్లోకి రోహ‌న్ బొప్ప‌న్న(Rohan Bopanna) జోడి ఎంట‌రైంది. ఈ టోర్నీలో ఇండియ‌న్ టెన్నిస్ స్టార్ బొప‌న్న‌.. ఆస్ట్రేలియా ప్లేయ‌ర్ మాథ్యూ ఎబ్డెన్‌తో జ‌త‌క‌ట్టాడు. సెమీస్‌లో బొప్ప‌న్న‌-మాథ్యూ జోడి.. సాంటియాగో గొంజాలెజ్‌-ఎడార్డ్ రోజ‌ర్ వాసిలిన్ జంట‌పై గెలుపొందారు. 43 ఏళ్ల బొప్ప‌న్న‌.. 35 ఏళ్ల ఎబ్డెన్‌తో క‌లిసి ఎనిమిదో సీడ్ జంట గొంజాలెజ్‌-రోజ‌ర్ జోడిని 5-7, 7-6, 10-4 స్కోర్‌తో ఓడించారు. ఏడో సీడ్‌గా ఇండో-ఆస్ట్రేలియ‌న్ జోడి ఈ టోర్నీలో ఎంట‌రైంది. శ‌నివారం జ‌రిగే ఫైన‌ల్లో బొప్ప‌న్న జోడి.. ర‌ష్యాకు చెందిన అన్‌సీడెడ్ జంట క‌రేన్ క‌చ‌నోవ్‌, ఆండ్రే రూబ్లెవ్‌తో త‌ల‌ప‌డ‌నున్న‌ది. ఆ జంట త‌మ సెమీస్‌లో ఫ్రెంచ్ ఓపెన్ విజేత‌లు మార్సెల్లో అరెవ‌లోవ్‌, జీన్ జులియ‌న్ రోజ‌ర్‌పై విజ‌యం సాధించారు.

The men's doubles final is set 🔐

🌟 Bopanna/Ebden vs Khachanov/Rublev 🌟

Which duo will lift the #MMOPEN 🏆 on Saturday? pic.twitter.com/SnjGRrimGp

— #MMOPEN (@MutuaMadridOpen) May 4, 2023

ఏటీపీ మాస్ట‌ర్స్ టోర్నీల్లో ఇటీవ‌ల బొప్ప‌న్న రికార్డు క్రియేట్ చేశాడు. గ‌రిష్ట వ‌య‌సులో ఏటీపీ టోర్నీ గెలిచిన ప్లేయ‌ర్‌గా ఘ‌న‌త‌ను అందుకున్నాడు. ఇటీవ‌ల బీఎన్పీ పారిబాస్ ఓపెన్ టోర్నీలో బొప్ప‌న్న విజ‌యం సాధించాడు. ఎబ్డెన్‌తో క‌లిసి అత‌ను టైటిల్ గెలుచుకున్నాడు. ఇక ఫిబ్ర‌వ‌రిలోనూ ఖ‌తార్ ఓపెన్ సొంతం చేసుకున్నాడు. ఇక శ‌నివారం జ‌రిగే ఫైన‌ల్‌తో ఈ సీజ‌న్‌లో అత‌ను మూడో టైటిల్‌పై క‌న్నేశాడు.