లండన్: ఇంగ్లండ్ స్టార్ ఆల్రౌండర్ బెన్ స్టోక్స్ దుమ్మురేపాడు. న్యూజిలాండ్తో మూడో వన్డేలో స్టోక్స్ విశ్వరూపం ప్రదర్శించాడు. కివీస్ బౌలింగ్ను తుత్తునియలు చేస్తూ స్టోక్స్(124 బంతుల్లో 182, 15ఫోర్లు, 9 సిక్స్లు) సూపర్ సెంచరీతో కదంతొక్కాడు. ఇంగ్లండ్ తరఫున వన్డేల్లో ఇదే అత్యధిక వ్యక్తిగత స్కోరు కావడం విశేషం. ఇన్నాళ్లు జాసన్ రాయ్(180) పేరిట ఉన్న రికార్డును స్టోక్స్ తాజాగా తిరుగరాశాడు.
స్టోక్స్ సెంచరీతో ఇంగ్లండ్ 48.1 ఓవర్లలో 368 పరుగుల భారీ స్కోరు చేసింది. మలన్(96) నాలుగు పరుగుల తేడాతో సెంచరీ చేజార్చుకున్నాడు. బౌల్ట్(5/51) ఐదు వికెట్లు పడగొట్టాడు. లక్ష్యఛేదనలో కివీస్ 27 ఓవర్లలో 129/6 స్కోరు చేసింది. క్రిస్ వోక్స్(3/31) కివీస్ను కోలుకోలేని దెబ్బ కొట్టాడు.