Tirumala | తిరుమలలో తగ్గిన భక్తుల రద్దీ.. సర్వదర్శనానికి 4 గంటల సమయం

Tirumala | ఆపద మొక్కులవాడు శ్రీ వేంకటేశ్వర స్వామి కొలువుదీరిన తిరుమలలో భక్తుల రద్దీ తగ్గింది .

తిరుమల : ఆపద మొక్కులవాడు శ్రీ వేంకటేశ్వర స్వామి కొలువుదీరిన తిరుమల ( Tirumala ) లో భక్తుల రద్దీ తగ్గింది . సర్వదర్శనానికి 4 గంటల సమయం పడుతుందని టీటీడీ అధికారులు వివరించారు. వివిధ ప్రాంతాల నుంచి వచ్చిన భక్తులతో 6 కంపార్టుమెంట్లలలో మాత్రమే భక్తులున్నారు. ఆదివారం స్వామివారిని 77,010 మంది భక్తులు దర్శించుకోగా 22,826 మంది తలనీలాలు సమర్పించుకునానరు. 3.84 లక్షల లడ్డూలను విక్రయించామని వెల్లడించారు.

నవంబరు 5 నుంచి 7వ తేదీ వరకు పవిత్రోత్సవాలు 
తిరుపతిలోని శ్రీనివాసమంగాపురం శ్రీ కల్యాణ వేంకటేశ్వరస్వామివారి ఆలయంలో నవంబరు 5 నుంచి 7వ తేదీ వరకు మూడు రోజుల పాటు పవిత్రోత్సవాలను టీటీడీ వైభవంగా నిర్వహించనుంది. ఈ ఉత్సవాలకు నవంబరు 4వ తేదీ సాయంత్రం 6 గంటలకు మత్స్యగ్రహణం, సేనాధిపతి ఉత్సవం, అంకురార్పణ కార్యక్రమాలతో శాస్త్రోక్తంగా ప్రారంభం కానుందని వివరించారు.