గోల్కొండ మాస్టర్స్‌ విజేత జమాల్‌

తెలంగాణ గోల్కొండ మాస్టర్స్‌ గోల్ఫ్‌ టోర్నీలో బంగ్లాదేశ్‌ ప్లేయర్‌ జమాల్‌ హుస్సేన్‌ విజేతగా నిలిచాడు. భారీ వర్షం కారణంగా శుక్రవారం జరుగాల్సిన పోటీలు రద్దు కావడంతో మూడు రౌండ్ల స్కోర్ల ఆధారంగా ఫలితాలను ప్రకటించారు.

హైదరాబాద్‌, ఆట ప్రతినిధి: తెలంగాణ గోల్కొండ మాస్టర్స్‌ గోల్ఫ్‌ టోర్నీలో బంగ్లాదేశ్‌ ప్లేయర్‌ జమాల్‌ హుస్సేన్‌ విజేతగా నిలిచాడు. భారీ వర్షం కారణంగా శుక్రవారం జరుగాల్సిన పోటీలు రద్దు కావడంతో మూడు రౌండ్ల స్కోర్ల ఆధారంగా ఫలితాలను ప్రకటించారు. హైదరాబాద్‌ గోల్ఫ్‌ అసోసియేషన్‌ ఆధ్వర్యంలో జరిగిన ఈ టోర్నీలో మూడు రౌండ్లు ముగిసే సరికి 23-అండర్‌ 187(61-62-64) స్కోరుతో నాలుగు షాట్ల ఆధిక్యంలో ఉన్న జమాల్‌ను చాంపియన్‌గా ప్రకటించారు.

కెరీర్‌లో ఆరో టైటిల్‌ను ఖాతాలో వేసుకున్న జమాల్‌కు రూ.15 లక్షల ప్రైజ్‌మనీ దక్కింది. ఈ విజయంతో పీజీటీఐ 2025 ఆర్డర్‌ ఆఫ్‌ మెరిట్‌లో 14 నుంచి 10వ స్థానానికి ఎగబాకాడు. భారత్‌కు చెందిన అక్షయ్‌శర్మ, ఖలీన్‌ జోషి వరుసగా రెండు, మూడు స్థానాలు కైవసం చేసుకున్నారు.