PBKS vs RR | దంచేసిన ఆశుతోష్, జితేశ్.. రాజ‌స్థాన్ ల‌క్ష్యం..?

PBKS vs RR : నిల‌క‌డ‌లేమికి త‌మ‌ను మించినోళ్లు లేర‌ని పంజాబ్ కింగ్స్(Punjab Kings) బ్యాట‌ర్లు మ‌రోసారి చాటుకున్నారు. అయితే.. ఇంప్యాక్ట్ ప్లేయ‌ర్ అశుతోష్ శ‌ర్మ‌(31) ఆఖ‌ర్లో మెరుపులు మెరిపించాడు. వికెట్ కీప‌ర్ జితేశ్ శ‌ర్మ‌(29), లివింగ్‌స్టోన్‌(21)లు కూడా దంచ‌డంతో పంజాబ్ గౌర‌వ‌ప్ర‌ద‌మైన స్కోర్ చేసింది.

PBKS vs RR : నిల‌క‌డ‌లేమికి త‌మ‌ను మించినోళ్లు లేర‌ని పంజాబ్ కింగ్స్(Punjab Kings) బ్యాట‌ర్లు మ‌రోసారి చాటుకున్నారు. రాజ‌స్థాన్ రాయ‌ల్స్ స్పిన్న‌ర్ కేశ‌వ్ మ‌హ‌రా(23/2), అవేవ్ ఖాన్‌(34/2)ల‌ ల‌ ధాటికి స్టార్ ఆట‌గాళ్లంతా పెవిలియ‌న్‌కు క్యూ క‌ట్టారు. అయితే.. ఇంప్యాక్ట్ ప్లేయ‌ర్ అశుతోష్ శ‌ర్మ‌(31) ఆఖ‌ర్లో మెరుపులు మెరిపించాడు. వికెట్ కీప‌ర్ జితేశ్ శ‌ర్మ‌(29), లివింగ్‌స్టోన్‌(21)లు కూడా దంచ‌డంతో పంజాబ్ గౌర‌వ‌ప్ర‌ద‌మైన స్కోర్ చేసింది. సామ్ క‌ర‌న్ సేన‌ నిర్ణీత ఓవ‌ర్ల‌లో 8 వికెట్ల న‌ష్టానికి 147 ర‌న్స్ కొట్టింది.

టాస్ ఓడి బ్యాటింగ్‌కు దిగిన‌ పంజాబ్ కింగ్స్‌కు శుభారంభం ద‌క్క‌లేదు. నాలుగో ఓవ‌ర్‌లోనే ఓపెన‌ర్ అధ‌ర్వ తైడే(15) ఔట‌య్యాడు. ఆ కాసేప‌టికే చాహ‌ల్.. ప్ర‌భ్‌సిమ్రాన్ సింగ్()ను వెన‌క్కి పంపాడు. కేశ‌వ్ మ‌హ‌రాజ్ సైతం ఓ చేయి వేయ‌డంతో 12 ప‌రుగుల వ్య‌వ‌ధిలోనే పంజాబ్ మూడు కీల‌క వికెట్లు కోల్పోయింది.

Excellent piece of fielding! 🙌

It’s none other than the @rajasthanroyals skipper @IamSanjuSamson with a superb run-out to dismiss Livingstone 🎯

Watch the match LIVE on @JioCinema and @StarSportsIndia 💻📱 #TATAIPL | #PBKSvRR pic.twitter.com/iCsTjauQqV

— IndianPremierLeague (@IPL) April 13, 2024

కెప్టెన్ సామ్ క‌ర‌న్(11), గ‌త రెండు మ్యాచుల్లో చెల‌రేగిన‌ శ‌శాంక్ సింగ్(9)లు సైతం విఫ‌ల‌మ‌య్యారు. 70 ప‌రుగుల‌కే ఐదు వికెట్లు ప‌డిన ద‌శ‌లో జితేశ్ శ‌ర్మ‌(29), లివింగ్‌స్టోన్‌లు ఆరో వికెట్‌కు 33 ర‌న్స్ జోడించారు. చివ‌ర్లో అశుతోష్(31 : 16 బంతుల్లో ఒక ఫోర్, 3 సిక్స‌ర్లు) మెరుపు బ్యాటింగ్‌తో పంజాబ్‌కు పోరాడ‌గ‌లిగే స్కోర్ అందించాడు.

ఆ క్యాచ్ ప‌ట్టి ఉంటే..

పంజాబ్ చిచ్చ‌ర‌పిడుగు అశుతోష్ 9 ప‌రుగుల‌కే ఔట‌య్యేవాడు. అవేశ్ ఖాన్ వేసిన 19వ ఓవ‌ర్‌లో అశుతోష్ మిడ్‌వికెట్ దిశ‌గా బంతికి గాల్లోకి లేపాడు. ఆ క్యాచ్ కోసం వికెట్ కీప‌ర్ సంజూ శాంస‌న్, అవేశ్ ఖాన్‌లు ప‌రుగెత్తారు. ఒక‌రికొక‌రు చూసుకోకుండా ఇద్ద‌రూ బంతిని ప‌ట్టుకునేందుకు ప్ర‌య‌త్నించారు. చివ‌ర‌కు ఒక‌రినొక‌రు ఢీకొని క్యాచ్ నేల‌పాలు చేశారు. లైఫ్ దొర‌క‌డంతో రెచ్చిపోయిన అశుతోష్ ఆ ఓవ‌ర్లో రెండు సిక్స‌ర్లు బాదాడు. బౌల్ట్ వేసిన 20వ ఓవ‌ర్లో బౌండ‌రీతో పంజాబ్ స్కోర్ 140 దాటించాడు.

Caption this 😃👌

Follow the Match ▶️ https://t.co/OBQBB75GgU #TATAIPL | #PBKSvRR pic.twitter.com/P9ww1QtbWa

— IndianPremierLeague (@IPL) April 13, 2024