Aryna Sabalenka | గ్రాండ్‌స్లామ్ ట్రోఫీతో ఫొటోషూట్.. తెల్ల‌ని గౌనులో మెరిసిపోయిన స‌బలెంక‌

Aryna Sabalenka : బెలార‌స్ స్టార్ క్రీడాకారిణి అరినా స‌బ‌లెంక‌(Aryna Sabalenka) కొత్త ఏడాదిని ఘ‌నంగా ప్రారంభించింది. కోర్టులో చిరుత‌ను త‌ల‌పించే ఆమె ఆదివారం మెల్‌బోర్న్‌లోని ప్ర‌పంచ వార‌స‌త్వ సంప‌ద అయిన కార్ల్‌ట‌న్ గార్డెన్‌(The Carlton Gardens)లో...

January 28, 2024 / 12:06 PM IST

Aryna Sabalenka | గ్రాండ్‌స్లామ్ ట్రోఫీతో ఫొటోషూట్.. తెల్ల‌ని గౌనులో మెరిసిపోయిన స‌బలెంక‌

Aryna Sabalenka : బెలార‌స్ స్టార్ క్రీడాకారిణి అరినా స‌బ‌లెంక‌(Aryna Sabalenka) కొత్త ఏడాదిని ఘ‌నంగా ప్రారంభించింది. డిఫెండింగ్ చాంపియ‌న్‌గా ఆస్ట్రేలియ‌న్ ఓపెన్(Australia Open 2024)లో అడుగుపెట్టిన ఆమె వ‌రుసగా రెండో ఏడాది టైటిల్ నిల‌బెట్టుకొని చ‌రిత్ర సృష్టించింది. కోర్టులో చిరుత‌ను త‌ల‌పించే ఆమె ఆదివారం మెల్‌బోర్న్‌లోని ప్ర‌పంచ వార‌స‌త్వ సంప‌ద అయిన కార్ల్‌ట‌న్ గార్డెన్‌(The Carlton Gardens)లో ఫొటోషూట్‌లో పాల్గొంది.

తెల్ల‌ని గౌను ధ‌రించిన స‌బ‌లెంక‌ గ్రాండ్‌స్లామ్ ట్రోఫీని ముద్దాడుతూ , షాంపేన్ బాటిల్‌ను ఓపెన్ చేస్తూ కెమెరాల‌కు పోజిచ్చింది. ఆ ఫొటోలు ప్ర‌స్తుతం ఆన్‌లైన్‌లో వైర‌ల్ అవుతున్నాయి.

Aryna Sabalenka’s Champion Photoshoot for her 2nd Australian Open title.

Undefeated in photoshoots. ❤️ pic.twitter.com/lQ5BooXWga

— The Tennis Letter (@TheTennisLetter) January 28, 2024

నిరుడు సంచ‌ల‌న ఆట‌తో అద‌రగొట్టిన రెండో సీడ్ స‌బ‌లెంక ఆస్ట్రేలియ‌న్ ఓపెన్‌లోనూ జోరు కొన‌సాగించింది. తొలి రౌండ్ నుంచి ప్రత్య‌ర్థుల‌కు చెక్ పెడుతూ వ‌చ్చిన ఆమె సెమీస్‌లో అమెరికా టీనేజ‌ర్ కొకొ గాఫ్‌(Coco Gauff)ను చిత్తుగా ఓడించింది. ఇక‌ శ‌నివారం జ‌రిగిన మ‌హిళ‌ల సింగిల్స్ ఫైన‌ల్లో స‌బ‌లెంక ఇర‌గ‌దీసింది.

Sabalenka became the first woman to defend her AO title in more than a decade 🏆🏆#BounceBackwithLifeSpace • #BounceBack @wwos • @espn • @eurosport • @wowowtennis pic.twitter.com/ABKwV5O7y7

— #AusOpen (@AustralianOpen) January 28, 2024

12వ సీడ్ క్విన్‌వెన్ జెంగ్‌( Qinwen Zheng)ను వ‌రుస సెట్ల‌లో మ‌ట్టిక‌రిపించింది. బెలార‌స్ ప్లేయ‌ర్ ధాటికి చైనా అమ్మాయి జెంగ్ చేతులెత్తేసింది. దాంతో, రెండో ఏడాది స‌బ‌లెంక ట్రోఫీని స‌గ‌ర్వంగా అందుకుంది. ఈ ఫీట్‌తో విక్టోరియా అజ‌రెంక(Victoria Azarenka) త‌ర్వాత వ‌రుస‌గా రెండో గ్రాండ్‌స్లామ్ గెలిచిన మ‌హిళ‌గా స‌బ‌లెంక చ‌రిత్ర సృష్టించింది. 2013లో అజ‌రెంక ఒక్క సెట్ కూడా కోల్పోకుండా ఆస్ట్రేలియ‌న్ ఓపెన్ టైటిల్ కొల్ల‌గొట్టింది.