Anahat Singh : ‘పిట్ట కొంచెం కూత ఘనం’ అనే సామెత వినే ఉంటాం. ఈ అమ్మాయి మాత్రం 15 ఏండ్లకే అద్బుతం చేసింది. ‘పిట్ట కొంచెం ఆట ఘనం’ అనే మాటకు నిలువుటద్దంలా మారింది. ఆమె పేరు అనహత్ సింగ్(Anahat Singh). ఈ యువకెరటం స్క్వాష్(Squash)లో సంచలనం సృష్టించింది. సీనియర్ నేషనల్ స్క్వాష్ చాంపియన్షిప్(Senior National Squash Championship 2023) టైటిల్ విజేతగా నిలిచి సరికొత్త రికార్డు నెలకొల్పింది. ప్రస్తుతం ఆమెకు 15 ఏండ్లు మాత్రమే. తద్వారా 23 ఏండ్లలో అతిచిన్న వయసులో సీనియర్ విభాగంలో టైటిల్ గెలిచిన భారత ప్లేయర్గా అనహత్ రికార్డుల్లోకెక్కింది.
గురువారం హోరాహోరీగా జరిగిన ఫైనల్లో అనహత్.. తన కంటే 12 ఏండ్లు పెద్దదైన తన్వీ ఖన్నా(Tanvi Khanna)పై అవలీలగా గెలుపొందింది. తొలి గేమ్లో 9-11తో వెనకబడిన అనహత్.. అనూహ్యంగా పుంజుకొని 6-4తో రెండో గేమ్ ముగించింది. అయితే.. కీలకమైన మూడో గేమ్కు ముందు ఖన్నా మోకాలి గాయంతో ఇబ్బందిపడింది. దాంతో, నిర్వాహకులు అనహత్ను విజేతగా ప్రకటించారు.
Congratulations to the champions of the HCL 79th National Squash Championship, 2023! 🏆🥳
Men: V Senthilkumar
Women: Anahat Singh
Pro : S Kumar
MO35: S Suchde
MO40: P Ipe
MO45: S Galifi
MO50: S Rajpal
MO55: S Deokuliar
MO60: D moolani
MO65: Vijay jaini
MO70: R Reddy pic.twitter.com/TneMdoXMBw— SRFI (@indiasquash) November 24, 2023
దాంతో, జోష్నా చిన్నప్ప పేరిట ఉన్న రికార్డు తుడిచిపెట్టుకుపోయింది. జోష్నా 2000 సంవత్సరంలో 14 ఏండ్ల వయసులోనే చాంపియన్ అయింది. జోష్నా, అనహత్లు నిరుడు ఫైనల్లో తలపడ్డారు. అయితే.. జోష్నా చేతిలో ఓటమి పాలైన అనహత్ ఈసారి పట్టువిడువకుండా విజేతగా నిలిచి శభాష్ అనిపించుకుంది. ఇక పురుషుల విభాగంలో వి.సెంథిల్ కుమార్ విజేతగా అవతరించాడు.