Harry Brook: భారత్‌తో సిరీస్‌కు ముందే ఇంగ్లండ్‌కు భారీ షాక్‌.. స్టార్‌ బ్యాటర్‌ ఔట్‌

Harry Brook: ఇంగ్లండ్‌ క్రికెట్‌ జట్టుకు ఊహించని షాక్‌ తగిలింది. ఆ జట్టు యువ బ్యాటర్‌ హ్యారీ బ్రూక్‌ ఈ సిరీస్‌ నుంచి తప్పుకున్నాడు. ఈ మేరకు ఇంగ్లండ్‌ అండ్‌ వేల్స్‌ క్రికెట్‌ బోర్డు (ఈసీబీ) ఒక ప్రకటనలో ఈ విషయాన్ని వెల్లడించింది.

Harry Brook: భారత్‌లో టెస్టు సిరీస్‌ గెలవాలనే పట్టుదలతో వస్తున్న ఇంగ్లండ్‌ క్రికెట్‌ జట్టుకు ఊహించని షాక్‌ తగిలింది. ఆ జట్టు యువ బ్యాటర్‌ హ్యారీ బ్రూక్‌ ఈ సిరీస్‌ నుంచి తప్పుకున్నాడు. ఈ మేరకు ఇంగ్లండ్‌ అండ్‌ వేల్స్‌ క్రికెట్‌ బోర్డు (ఈసీబీ) ఒక ప్రకటనలో ఈ విషయాన్ని వెల్లడించింది. వ్యక్తిగత కారణాల వల్ల బ్రూక్‌ ఈ సిరీస్‌ నుంచి తప్పుకుంటున్నట్టు ఈసీబీ తెలిపింది. అతడు ఈ సిరీస్‌ మొత్తానికి దూరమవుతాడని, త్వరలోనే అతడి రిప్లేస్‌మెంట్‌ ప్రకటిస్తామని వెల్లడించింది.

ఇదే విషయమై ఈసీబీ స్పందిస్తూ… ‘ఇండియాతో టెస్టు సిరీస్‌ నుంచి హ్యారీ బ్రూక్‌ తప్పుకున్నాడు. వ్యక్తిగత కారణాల వల్ల అతడు ఈ సిరీస్‌ నుంచి దూరమయ్యాడు. అతడు ఈ టూర్‌ మొత్తానికి అందుబాటులో ఉండటం లేదు..’అని పేర్కొంది. అయితే బ్రూక్‌ కుటుంబంలో ఏం జరిగిందనేది మాత్రం స్పష్టత లేదు. ఈ విషయంలో గోప్యత పాటించాలని ఈసీబీ.. మీడియాను కోరింది. త్వరలోనే బ్రూక్‌ రిప్లేస్‌మెంట్‌ ప్రకటిస్తామని ఈసీబీ ప్రకటనలో తెలిపింది.

 

🚨 NEWS 🚨

Harry Brook has returned to the UK and will miss the India Test tour due to personal reasons.

Big love @Harry_Brook_88 ❤️ pic.twitter.com/FzKr1M4SqJ

— England’s Barmy Army 🏴󠁧󠁢󠁥󠁮󠁧󠁿🎺 (@TheBarmyArmy) January 21, 2024

భారత్‌ – ఇంగ్లండ్‌ మధ్య జనవరి 25 నుంచి హైదరాబాద్‌ వేదికగా జరుగునుంది. ఉప్పల్‌ లోని రాజీవ్‌ గాంధీ అంతర్జాతీయ స్టేడియం వేదికగా ఇరు దేశాలు ఢీకొనబోతున్నాయి. కాగా ఇంగ్లండ్‌ గత రెండేండ్లలో సాధిస్తున్న బజ్‌బాల్‌ విజయాలలో బ్రూక్‌ది కీలక పాత్ర. ఈ మిడిలార్డర్‌ బ్యాటర్‌ టెస్టులలో 91.76 స్ట్రైక్‌ రేట్‌తో బ్యాటింగ్‌ చేస్తున్నాడు. ఇప్పటిదాకా 12 టెస్టులు ఆడిన బ్రూక్‌.. ఏకంగా 62.15 సగటుతో 1,181 పరుగులు సాధించాడు. ఇందులో నాలుగు సెంచరీలు, 12 అర్థ సెంచరీలున్నాయి. భారత్‌తో సిరీస్‌లో మిడిలార్డర్‌లో కీలకంగా మారుతాడని భావించిన బ్రూక్‌ లేకపోవడం ఇంగ్లండ్‌కు కొత్త సవాళ్లు సృష్టించేదే..