e-Paper

Advertisement

E-Paper

Apps

Book Your Copy

Visit Telangana Today

Monday, June 14, 2021
Home News జ‌డేజాకు ఇంగ్లిష్ రాదు.. నేను తిట్టినా అర్థం కాదు!

జ‌డేజాకు ఇంగ్లిష్ రాదు.. నేను తిట్టినా అర్థం కాదు!

జ‌డేజాకు ఇంగ్లిష్ రాదు.. నేను తిట్టినా అర్థం కాదు!

ముంబై: ఇండియ‌న్ టీమ్ ఆల్‌రౌండ‌ర్ ర‌వీంద్ర జ‌డేజాపై సంజ‌య్ మంజ్రేక‌ర్ చేసిన అనుచిత కామెంట్స్‌కు సంబంధించి ఓ అభిమాని బ‌య‌ట‌పెట్టిన ట్విట‌ర్ స్క్రీన్‌షాట్స్ దుమారం రేపుతున్నాయి. సూర్య నారాయ‌ణ్ అనే ట్విట‌ర్ యూజ‌ర్‌.. తాను మంజ్రేక‌ర్‌తో జ‌రిపిన సంభాష‌ణ గురించి బ‌య‌ట‌పెట్టాడు. అందులో జ‌డేజాకు ఇంగ్లిష్ రాద‌ని హేళ‌న చేసిన‌ట్లు ఆ యూజ‌ర్ చెప్పాడు. తాను ఏం చెబుతున్నానో కూడా జ‌డేజాకు అర్థం కాద‌ని ఓ ట్వీట్‌లో మంజ్రేక‌ర్ అన్నాడు.

నువ్వు చాలా దారుణంగా ఉన్నావు. మీలాగా ప్లేయ‌ర్స్‌ను నేను కూడా పొగ‌డాలంటే ఎలా? నేను అభిమానిని కాను. ఓ విశ్లేష‌కుడిని. బిట్స్ అండ్ పీసెస్ అస‌లు అర్థం ఏంటో జ‌డేజాకు తెలియ‌దు. ఎందుకంటే అత‌నికి ఇంగ్లిష్ రాదు అని స‌ద‌రు అభిమానితో మంజ్రేక‌ర్ అన్నాడు. జ‌డేజా ఓ బిట్స్ అండ్ పీసెస్ (ఓ ల‌క్ష్యం లేని) క్రికెట‌ర్ అని 2019 వ‌ర‌ల్డ్‌క‌ప్ సంద‌ర్భంగా మంజ్రేక‌ర్ విమ‌ర్శించాడు.
దీనికి జ‌డేజా కూడా ఘాటుగానే రిప్లై ఇచ్చాడు. మంజ్రేక‌ర్‌కు అతిగా మాట్లాడే ల‌క్ష‌ణం ఉన్న‌దని చెప్పేలా వ‌ర్బ‌ల్ డ‌యేరియా అనే ప‌దం వాడాడు.

ఆ త‌ర్వాత కూడా న్యూజిలాండ్‌తో జ‌రిగిన సెమీఫైన‌ల్లో హాఫ్ సెంచ‌రీ చేసి బ్యాట్‌తోనూ స‌మాధాన‌మిచ్చాడు. ఆ స‌మ‌యంలో కామెంట‌రీ బాక్స్ ఎక్క‌డ ఉందో తాను చూశాన‌నీ జ‌డ్డూ చెప్పాడు. అభిమాని చెబుతున్న‌ ఈ వివాదాస్ప‌ద ట్వీట్ల‌పై మంజ్రేక‌ర్ ఇంకా ఏమీ స్పందించ‌లేదు. ఈ మ‌ధ్యే అశ్విన్ ఆల్‌టైమ్ గ్రేట్ కాద‌ని కామెంట్ చేసి మ‌రోసారి విమ‌ర్శ‌ల పాలైన విష‌యం తెలిసిందే.

Advertisement
-Advertisement-

తాజావార్తలు

Advertisement
జ‌డేజాకు ఇంగ్లిష్ రాదు.. నేను తిట్టినా అర్థం కాదు!

ట్రెండింగ్‌

Advertisement