Xiaomi 13 Pro | భార‌త్ మార్కెట్‌లోకి షియోమీ 13 ప్రో.. ఇవీ స్పెషిఫికేష‌న్స్‌!

Xiaomi 13  Pro | చైనా స్మార్ట్ ఫోన్ సంస్థ షియోమీ.. భార‌త్ మార్కెట్‌లో షియోమీ 13 ప్రో ఫోన్ ఆవిష్క‌రించింది. ఆస‌క్తి గ‌ల వారు సంస్థ వెబ్‌సైట్‌, అమెజాన్‌లో బుక్ చేసుకోవ‌చ్చు.

Xiaomi 13  Pro |  చైనా టెక్ జెయింట్ షియోమీ.. బార్సిలోనాలో జ‌రుగుతున్న మొబైల్ వ‌ర‌ల్డ్ కాంగ్రెస్ (ఎండ‌బ్ల్యూసీ) 2023 వేదిక‌పై గ్లోబ‌ల్ మార్కెట్‌లో మూడు షియోమీ 13 సిరీస్ ఫోన్ల‌ను ఆవిష్క‌రించింది. షియోమీ 13 సిరీస్‌లో షియోమీ 13, షియోమీ 13 ప్రో, షియోమీ 13 లైట్ ఉన్నాయి. షియోమీ ఫ్లాగ్‌షిప్ 13 ప్రో ఫోన్‌ను గ‌తేడాది డిసెంబ‌ర్‌లోనే చైనాలో ఆవిష్క‌రించింది. తాజాగా భార‌త్‌తోపాటు ప్ర‌పంచ మార్కెట్‌లోకి తీసుకొచ్చింది. షియోమీ 13 ప్రో ఫోన్ 50-మెగా పిక్సెల్ కెమెరా, స్నాప్ డ్రాగ‌న్ 8థ్ జ‌న‌రేష‌న్ 2 ప్రాసెస‌ర్‌తో వ‌స్తున్న‌ది. ఇది సిరామిక్ వైట్‌, సిరామిక్ బ్లాక్ క‌ల‌ర్ ఆప్ష‌న్ల‌లో ల‌భిస్తుంది.

షియోమీ 13 ఫోన్ ర‌మార‌మీ రూ.87,585 (999 యూరోలు) ప‌లుకుతుంది. ఇక షియోమీ 13 ప్రో సుమారు రూ.1,13,887 (1299 యూరోలు)ల‌కు ల‌భిస్తాయి. షియోమీ 13 లైట్ 499 యూరోల‌కు కొనుగోలు చేయొచ్చు. భార‌త్‌లో షియోమీ 13 ప్రో ఫోన్ ధ‌ర మంగ‌ళ‌వారం మ‌ధ్యాహ్నం వెల్ల‌డించ‌నున్న‌ది. ఆస‌క్తి గ‌ల యూజ‌ర్లు కంపెనీ వెబ్‌సైట్‌, ఈ-కామ‌ర్స్ ప్లాట్‌ఫామ్ అమెజాన్‌లోనే బుక్ చేసుకోవాలి.

షియోమీ 13 ప్రో స్పెషిఫికేష‌న్లు ఇవే

• 6.73 అంగుళాల క్వాడ్ హెచ్‌డీ+ డిస్‌ప్లే విత్ 3200 x 1440 పిక్సెల్ రిజొల్యూష‌న్‌.

• ఈ6 అమోల్డ్ ప్యానెల్ @ 120హెర్ట్జ్ రీఫ్రెష్ రేట్‌, 240 హెర్ట్జ్ ట‌చ్ శాంపిల్ రేట్‌.

• 1900 నిట్స్ బ్రైట్‌నెస్‌, 1920 హెర్ట్జ్ పీడ‌బ్ల్యూఎం డిమ్మింగ్ డిస్‌ప్లే.

• ఇన్ డిస్‌ప్లే ఫింగ‌ర్‌ప్రింట్ సెన్స‌ర్ టెక్నాల‌జీ.

• కార్నింగ్ గొరిల్లా గ్లాస్ విక్ట‌స్ ప్రొటెక్ష‌న్‌.

రేర్ ప్యానెల్‌పై ట్రిపుల్ కెమెరా సెట‌ప్

• 50 ఎంపీ సోనీ ఐఎంఎక్స్ 989 సెన్స‌ర్ విత్ ఎఫ్‌/19 అపెర్చ‌ర్‌, 50 ఎంపీ ఆల్ట్రావైడ్ యాంగిల్ లెన్స్ విత్ ఎఫ్‌/2.2 అపెర్చ‌ర్‌, 50 ఎంపీ టెలిఫొటో లెన్స్ విత్ ఎఫ్‌/2.0 అపెర్చ‌ర్‌.
  సెల్ఫీ అండ్ వీడియో కాలింగ్ కోసం 32 ఎంపీ ఫ్రంట్ కెమెరా విత్ ఎఫ్‌/2.0 అపెర్చ‌ర్‌.

• అత్య‌ధిక నాణ్య‌మైన లైకా లెన్స్ ల‌భ్యం.

• మూడు రేర్ కెమెరాల‌కు పొట్రైట్ ఇన్ నైట్ మోడ్‌

• ప్రైమ‌రీ కెమెరాతో 8కే వీడియో రికార్డింగ్‌.

• క్వాల్‌కామ్ స్నాప్ డ్రాగ‌న్ ఎనిమిదో జ‌న‌రేష‌న్ 2 ప్రాసెస‌ర్‌.

• 12 జీబీ రామ్ విత్ 256 జీబీ ఇంట‌ర్న‌ల్ స్టోరేజీ కెపాసిటీ.

• గ్రాఫిక్స్ కోసం షియోమీ 13 ప్రోలో అడ్రెనో 740 జీపీయూ

• ఎల్‌పీపీడీడీఆర్‌5ఎక్స్ రామ్‌, యూఎఫ్ఎస్ 4.0 స్టోరేజీ టెక్నాల‌జీతో ప‌ని చేస్తుంది.

• హెవీ గేమింగ్ ఈజియ‌ర్ కోసం అల్ట్రా లార్జ్ లిక్విడ్ కూల్ వీసీ టెక్నాల‌జీ ల‌భ్యం.

• ఆండ్రాయిడ్ 13 వ‌ర్ష‌న్ స‌పోర్ట్‌తో ఎంఐయూఐ14 క‌స్ట‌మ్ స్కిన్ ల‌భ్యం.

• ఈ ఫోన్ 5జీ, 4జీ ఎల్‌టీఐ, వై-ఫై6, యూఎస్బీ టైప్‌-సీ పోర్ట్‌, బ్లూటూత్ 5.3, ఎన్ఎఫ్‌సీ, జీపీఎస్ క‌నెక్టివిటీ.
  ఇన్ డిస్‌ప్లే ఫింగ‌ర్ ప్రింట్ సెన్స‌ర్ ల‌భ్యం.