Whatsapp Status | ఇన్స్టంట్ మెసేజింగ్ యాప్ వాట్సాప్.. మన ఇష్టాయిష్టాలను ఇతరులతో షేర్ చేసుకోవడానికి బెటర్ ప్లాట్ఫామ్. ఇష్టాయిష్టాలతోపాటు పర్సనల్ అంశాలు కూడా ఇతరులతో షేర్ చేసుకోవడానికి ఇప్పుడు దాదాపు ప్రతి ఒక్కరూ వాట్సాప్ స్టేటస్ నిత్యం వాడుతున్నారు. ఇదే వాట్సాప్ స్టేటస్.. ఫేస్బుక్లోనూ స్టోరీగా పోస్ట్ చేయాలనిపించవచ్చు. ఫేస్బుక్లో పోస్ట్ చేయడానికి స్పెషల్గా అప్లోడ్ చేయాలి.. వాట్సాప్ అలాంటి అవసరం లేకుండా కొత్త ఫీచర్ తీసుకొస్తున్నది. ఈ ఫీచర్ తీసుకొస్తే వాట్సాప్ స్టేటస్తోపాటు ఫేస్బుక్లో స్టోరీ పోస్ట్ చేయొచ్చు.
అందుకోసం వాట్సాప్ స్టేటస్ ప్రైవసీ సెటింగ్స్లో మై కాంట్రాక్ట్స్ (My Contacts), మై కాంటాక్ట్స్ ఎక్సెప్ట్ (My Contacts Except), ఓన్లీ షేర్ విత్ (Only Share With) అనే మూడు ఆప్షన్లు ఇప్పుడు కనిపిస్తున్నాయి. ఇక నుంచి వాటి కింద ఫేస్బుక్ (Facebook) అనే కొత్త ఆప్షన్ రాబోతున్నది. రెండు సోషల్ మీడియా ప్లాట్పామ్స్లో స్టేటస్ పెట్టాలనుకునే యూజర్లు ఈ ఆప్షన్ ఎనేబుల్ చేసుకుంటే సరి. ఫేస్బుక్ అకౌంట్ కూడా యాడ్ అవుతుంది.
ఫేస్బుక్ ప్లాట్ఫామ్ అకౌంట్ స్పెషల్గా ఓపెన్ చేయాల్సిన పని లేకుండా రెండు ప్లాట్ఫామ్స్లోనూ ఒకేసారి స్టేటస్ పెట్టొచ్చు. ఇప్పుడు ఈ ఫీచర్ ట్రయ్స్ దశలోనే ఉంది. త్వరలోనే ఐఓఎస్, ఆండ్రాయిడ్ యూజర్లకు అందుబాటులోకి వస్తుందని తెలుస్తున్నది. అయితే వాట్సాప్ తన యూజర్లకు ఈ ఫీచర్ ఆప్షనల్గానే వినియోగంలోకి తెస్తున్నదని సమాచారం.