మాస్కో: అంతరిక్షంలో తొలిసారి ఓ మూవీ షూటింగ్ చేసిన రష్యన్ డైరెక్టర్, నటి 12 రోజుల తర్వాత ఆదివారం భూమిపై సురక్షితంగా ల్యాండయ్యారు. భూకక్ష్యలో తిరుగుతున్న అంతర్జాతీయ అంతరిక్ష కేంద్రంలో ఈ మూవీ షూటింగ్ చేశారు. నటి యూలియా పెరెసిల్డ్, డైరెక్టర్ క్లిమ్ షిపెంకో ఆదివారం ఉదయం ఖజకిస్తాన్లో భూమిపై ల్యాండయ్యారు. ఇంటర్నేషన్ స్పేస్ స్టేషన్ అధికారిక ట్విటర్ హ్యాండిల్ ఈ ల్యాండింగ్ వీడియోను షేర్ చేసింది. వీళ్లతోపాటు కాస్మోనాట్ ఒలెగ్ నోవిట్స్కీ కూడా భూమిపై దిగారు. ఒలెగ్ ఆరు నెలల పాటు ఐఎస్ఎస్లో గడిపారు. సూయజ్ ఎంఎస్-18 స్పేస్క్రాఫ్ట్ వీళ్లను సురక్షితంగా భూమిపైకి తీసుకొచ్చింది. ఈ నెలలోనే ఈ నటి, డైరెక్టర్ రష్యాలోని బైకనూర్ కాస్మోడ్రోమ్ నుంచి నింగిలోకి దూసుకెళ్లారు. ద చాలెంజ్ అనే పేరుతో తెరకెక్కుతున్న మూవీ షూటింగ్ కోసం వీళ్లు ఇంటర్నేషనల్ స్పేస్ స్టేషన్కు వెళ్లారు.