realme GT7 | భారీ బ్యాట‌రీ, అదిరిపోయే ఫీచ‌ర్ల‌తో లాంచ్ అయిన రియ‌ల్‌మి కొత్త స్మార్ట్ ఫోన్‌.. ధ‌ర ఎంతంటే..?

బ‌డ్జెట్ ధ‌ర‌లోనే ఫ్లాగ్ షిప్ రేంజ్ ఫీచ‌ర్లు క‌లిగిన మిడ్ రేంజ్ స్మార్ట్ ఫోన్‌ను కొనాల‌ని చూస్తున్నారా..? అయితే మీకోస‌మే రియ‌ల్‌మి ఒక నూత‌న స్మార్ట్ ఫోన్‌ను భార‌త మార్కెట్‌లో లాంచ్ చేసింది. రియ‌ల్ మి జిటి7 పేరిట లాంచ్ అయిన ఈ ఫోన్‌లో అద్భుత‌మైన ఫీచ‌ర్ల‌ను అందిస్తున్నారు.

realme GT7 | బ‌డ్జెట్ ధ‌ర‌లోనే ఫ్లాగ్ షిప్ రేంజ్ ఫీచ‌ర్లు క‌లిగిన మిడ్ రేంజ్ స్మార్ట్ ఫోన్‌ను కొనాల‌ని చూస్తున్నారా..? అయితే మీకోస‌మే రియ‌ల్‌మి ఒక నూత‌న స్మార్ట్ ఫోన్‌ను భార‌త మార్కెట్‌లో లాంచ్ చేసింది. రియ‌ల్ మి జిటి7 పేరిట లాంచ్ అయిన ఈ ఫోన్‌లో అద్భుత‌మైన ఫీచ‌ర్ల‌ను అందిస్తున్నారు. ఇందులో 6.78 ఇంచుల అమోలెడ్ డిస్ ప్లేను ఏర్పాటు చేయ‌గా దీనికి క్వాడ్ హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్ ను అందిస్తున్నారు. అందువ‌ల్ల ఫోన్ డిస్ ప్లేపై అద్భుత‌మైన దృశ్యాల‌ను వీక్షించ‌వ‌చ్చు. డిస్ ప్లే చాలా నాణ్యంగా ఉంటుంది. సూర్య‌కాంతిలోనూ ఫోన్ తెర‌ను స్ప‌ష్టంగా చూడ‌గ‌లిగేలా 6000 నిట్స్ వ‌ర‌కు పీక్ బ్రైట్ నెస్‌ను ఇందులో అందిస్తున్నారు. ఈ ఫోన్‌లో మీడియాటెక్ డైమెన్సిటీ ఆక్టాకోర్ 9400ఇ ప్రాసెస‌ర్‌ను ఏర్పాటు చేశారు. అందువ‌ల్ల ఫోన్‌పై ఎంత భారీ లోడ్ వేసినా కూడా వేగంగానే ప‌నిచేస్తుంది.

హీట్‌ను త‌గ్గించే టెక్నాల‌జీ..

ఈ ఫోన్ బ్యాక్ క‌వ‌ర్ల‌ను ప్ర‌త్యేకంగా గ్రాఫీన్‌తో రూపొందించారు. అందువ‌ల్ల ఫోన్ వేడెక్క‌గానే వెంట‌నే 6 డిగ్రీల మేర ఉష్ణోగ్ర‌త ప‌డిపోతుంది. దీంతో ఫోన్ హీట్‌కు గురికాకుండా ఉంటుంద‌ని కంపెనీ చెబుతోంది. ఈ ఫోన్‌లో 16జీబీ వ‌ర‌కు ర్యామ్‌ను అందిస్తున్నారు. 1 టీబీ వ‌ర‌కు స్టోరేజ్ ల‌భిస్తుంది. వెనుక భాగంలో 50 మెగాపిక్స‌ల్ మెయిన్ కెమెరాను ఏర్పాటు చేశారు. మ‌రో 8 మెగాపిక్స‌ల్ అల్ట్రా వైడ్ కెమెరా కూడా ఉంది. మ‌రో 50 మెగాపిక్స‌ల్ 2ఎక్స్ టెలిఫోటో కెమెరాను సైతం ఇచ్చారు. అందువ‌ల్ల ఈ కెమెరాల‌తో అద్భుత‌మైన చిత్రాలు, వీడియోల‌ను చిత్రీక‌రించుకోవ‌చ్చు. ఇక ముందు భాగంలో 32 మెగాపిక్స‌ల్ కెమెరాను ఇచ్చారు. ఈ ఫోన్‌లో ఏఐ ఫీచ‌ర్ల‌ను కూడా అందిస్తున్నారు.

భారీ బ్యాట‌రీ..

ఈ ఫోన్ ఆండ్రాయిడ్ 15 ఆధారిత రియ‌ల్‌మి యూఐ 6.0 స‌హాయంతో ప‌నిచేస్తుంది. ఈ ఫోన్ కు గాను 3 మేజ‌ర్ ఆండ్రాయిడ్ ఆప‌రేటింగ్ సిస్ట‌మ్ అప్‌డేట్స్‌ను, 4 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తున్న‌ట్లు కంపెనీ తెలిపింది. ఈ ఫోన్‌కు ఐపీ 69 వాట‌ర్‌, డ‌స్ట్ రెసిస్టెన్స్ ఫీచ‌ర్‌ను కూడా ఇచ్చారు. ఈ ఫోన్‌లో ఏకంగా 7000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 120 వాట్ల ఫాస్ట్ చార్జింగ్ స‌పోర్ట్‌ను అందిస్తున్నారు. అందువ‌ల్ల ఫోన్ చాలా వేగంగా చార్జింగ్ అవుతుంది. 14 నిమిషాల్లో 50 శాతం, 40 నిమిషాల్లో 100 శాతం చార్జింగ్ పూర్త‌వుతుంది. ఈ ఫోన్‌కు గాను ఆర్మ‌ర్ షెల్ గ్లాస్ ప్రొటెక్ష‌న్ ను అందిస్తున్నారు. డ్యుయ‌ల్ సిమ్ ల‌ను వేసుకోవ‌చ్చు. ఇన్ డిస్‌ప్లే ఫింగ‌ర ప్రింట్ సెన్సార్ కూడా ఉంది. యూఎస్‌బీ టైప్ సి, 5జి, డ్యుయ‌ల్ 4జి వీవోఎల్‌టీఈ, వైఫై 6, బ్లూటూత్ 5.4, ఎన్ఎఫ్‌సీ వంటి ఇత‌ర స‌దుపాయాలు కూడా ఈ ఫోన్‌లో ఉన్నాయి.

ధ‌ర వివ‌రాలు..

రియల్‌మి జిటి 7 స్మార్ట్ ఫోన్‌కు చెందిన 8జీబీ ర్యామ్‌, 256 జీబీ స్టోరేజ్ మోడ‌ల్ ధ‌ర రూ.39,999 ఉండ‌గా, 12 జీబీ ర్యామ్‌, 256 జీబీ స్టోరేజ్ మోడ‌ల్ ధ‌ర రూ.42,999గా ఉంది. 12 జీబీ ర్యామ్, 512 జీబీ స్టోరేజ్ మోడ‌ల్ ధ‌ర రూ.46,999గా ఉంది. 1టీబీ స్టోరేజ్ మోడ‌ల్ ధ‌ర వివ‌రాల‌ను వెల్ల‌డించ‌లేదు. మే 30వ తేదీ నుంచి అమెజాన్‌తోపాటు రియ‌ల్‌మి ఆన్‌లైన్ స్టోర్‌లో, రిటెయిల్ స్టోర్స్‌లో ఈ ఫోన్‌ను విక్ర‌యించ‌నున్నారు. ఈ ఫోన్‌కు గాను రూ.2,149 విలువైన ఏడాది కాల ప‌రిమితి క‌లిగిన ఉచిత స్క్రీన్ డ్యామేజ్ ప్రొటెక్ష‌న్‌ను అందిస్తున్నారు. అలాగే ఈ ఫోన్‌పై ప‌లు కార్డుల సహాయంతో రూ.3000 వ‌ర‌కు డిస్కౌంట్‌ను పొంద‌వ‌చ్చు. పాత ఫోన్‌ను ఎక్స్‌ఛేంజ్ చేస్తే రూ.5000 వ‌ర‌కు బోన‌స్ ఇస్తారు. 9 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా అందుబాటులో ఉంది.