Realme GT Neo : గేమింగ్ స్మార్ట్‌ఫోన్ కావాలా? రియ‌ల్‌మీ జీటీ నియో గేమింగ్‌ ఫోన్ త్వ‌ర‌లో లాంచ్‌.. ఫీచ‌ర్స్ లీక్‌

రియ‌ల్‌మీ జీటీ నియో గేమింగ్‌ ఫోన్ | ఇంకొంద‌రికి స్పెష‌ల్‌గా గేమింగ్ కోస‌మే డిజైన్ చేసిన ఫోన్ కావాలి. ఇలా.. ఎవ‌రి రిక్వైర్‌మెంట్స్ వాళ్ల‌కు ఉంటాయి.

August 31, 2021 / 07:30 PM IST

Realme GT Neo : గేమింగ్ స్మార్ట్‌ఫోన్ కావాలా? రియ‌ల్‌మీ జీటీ నియో గేమింగ్‌ ఫోన్ త్వ‌ర‌లో లాంచ్‌.. ఫీచ‌ర్స్ లీక్‌

ఈరోజుల్లో సాదాసీదా స్మార్ట్‌ఫోన్‌ను ఎవ్వ‌రూ వాడ‌టం లేదు. కొంద‌రు కెమెరా బాగుండే ఫోన్ల‌ను వాడుతున్నారు. ఇంకొంద‌రికి స్పెష‌ల్‌గా గేమింగ్ కోస‌మే డిజైన్ చేసిన ఫోన్ కావాలి. ఇలా.. ఎవ‌రి రిక్వైర్‌మెంట్స్ వాళ్ల‌కు ఉంటాయి. అందుకే.. రియ‌ల్‌మీ కేవ‌లం గేమింగ్ యూజ‌ర్ల కోసం జీటీ నియో అనే స‌రికొత్త గేమింగ్ స్మార్ట్‌ఫోన్‌ను లాంచ్ చేయ‌నుంది.

అయితే.. ఈ ఫోన్ లాంచ్ కాక‌ముందే.. ఫోన్ ఫీచ‌ర్లు లీక్ అయ్యాయి. ధ‌ర కూడా లీక్ అయింది. గ‌త మార్చ్‌లోనే రియ‌ల్‌మీ జీటీ నియో ఫోన్ రిలీజ్ అయిన విష‌యం తెలిసిందే. మీడియాటెక్ డైమెన్సిటీ 1200 ఎస్ఓసీ ప్రాసెస‌ర్‌తో ఆ ఫోన్ రిలీజ్ అయింది. రియ‌ల్‌మీ జీటీ నియో గేమింగ్ ఫోన్ మాత్రం క్వాల్‌కామ్ స్నాప్‌డ్రాగ‌న్ 870 ఎస్‌వోసీ ప్రాసెస‌ర్‌తో రిలీజ్ కానున్న‌ట్టు తెలుస్తోంది.

రెండు వేరియంట్ల‌లో గ్లోబ‌ల్ మార్కెట్‌లో ఈ ఫోన్‌ను రిలీజ్ చేయాల‌ని కంపెనీ భావిస్తోంద‌ట‌. 8 జీబీ ప్ల‌స్ 128 జీబీ స్టోరేజ్ వేరియంట్‌, 12 జీబీ ప్ల‌స్ 256 జీబీ వేరియంట్ల‌లో ఈ ఫోన్ రిలీజ్ కానుంది. 8 జీబీ మోడ‌ల్ ధ‌ర సుమారు రూ.36,400 ఉంటుంద‌ని అంచ‌నా వేస్తుండ‌గా.. 12 జీబీ ర్యామ్ వేరియంట్ ధ‌ర రూ.43,800 ఉంటుంద‌ని తెలుస్తోంది. 64 ఎంపీ రేర్ కెమెరా, గేమింగ్ డిజైన్‌, హై రీఫ్రెష్ రేట్‌తో పాటు.. ఈ ఫోన్ డిజైన్ మొత్తం స్టైలిష్‌గా ఉండేలా తీర్చిదిద్దారు.