Poco C55 | 21న దేశీయ మార్కెట్‌లో పొకో సీ55 లాంచింగ్‌.. ఫ్లిప్‌కార్ట్‌లోనే సేల్స్‌!

Poco C55 | ప్రముఖ స్మార్ట్ ఫోన్ల తయారీ సంస్థ పోకో.. దేశీయ మార్కెట్ లోకి తన పొకో సీ55 ఫోన్ ఈ నెల 21న ఆవిష్కరించనున్నది. ఫ్లిప్ కార్ట్ ద్వారా మాత్రమే కొనుగోలు చేయాల్సి ఉంటుంది.

Poco C55 | ప్ర‌ముఖ స్మార్ట్ ఫోన్ త‌యారీసంస్థ పొకో.. భార‌త్ మార్కెట్‌లో పొకో సీ 55 ఫోన్ ఆవిష్క‌రించ‌ నున్న‌ది. ఈనెల 21 మ‌ధ్యాహ్నం 12 గంట‌ల‌కు కొనుగోలుదారుల‌కు అందుబాటులోకి వ‌స్తుంది. ఈ-కామ‌ర్స్ జెయింట్ ఫ్లిప్‌కార్ట్ ద్వారా మాత్ర‌మే ఈ ఫోన్ కొనుగోలు చేయొచ్చు. గ‌త నెల‌లోనే చైనా మార్కెట్‌ను తాకిన పొకో సీ55 ఫోన్‌లో మీడియా టెక్ హెలియో జీ85 ఎస్వోసీ చిప్‌సెట్ ఉంటుంద‌ని భావిస్తున్నారు. మూడు స్టోరేజీ వేరియంట్ల‌తో చైనాలో ఆవిష్క‌రించిన పొకో.. గ్లోబ‌ల్ మార్కెట్‌లోనూ ఆ వేరియంట్ల‌ను తీసుకొస్తుంద‌ని భావిస్తున్నారు.

రెడ్‌మీ 12 సీ ఫోన్‌ను రీబ్రాండ్ చేసి పొకో సీ55 పేరుతో ఆవిష్క‌రిస్తార‌ని ఇంత‌కుముందు వార్త‌లొచ్చాయి. గ‌త నెల‌లో చైనాలో రెడ్‌మీ సంస్థ సీ-సిరీస్ బ‌డ్జెట్ ఫోన్ల‌ను ఆవిష్క‌రించింది. 4జీబీ రామ్‌ విత్ 64 జీబీ స్టోరేజీ, 4జీబీ రామ్ విత్ 128 ఇంట‌ర్న‌ల్ స్టోరేజీ, 6జీబీ రామ్‌ విత్ 128 జీబీ ఇంట‌ర్న‌ల్ స్టోరేజీ ఆప్ష‌న్ల‌తో విడుద‌ల చేసింది. షాడో బ్లాక్‌, సీ బ్లూ, మింట్ గ్రీన్‌, లావెండ‌ర్ క‌ల‌ర్స్‌లో అందుబాటులోకి వ‌చ్చింది.

• రెడ్‌మీ 12సీ ఫోన్ 6.71 అంగుళాల హెచ్‌డీ+ (1650×720 పిక్సెల్స్‌) డిస్‌ప్లే.

• 20:6:9 యాస్పెక్ట్ రేషియో, 500 నిట్స్ ఆఫ్ పీక్ బ్రైట్‌నెస్‌.

• హైబ్రీడ్ డ్యుయ‌ల్ సిమ్ (నానో) స్లాట్‌.

• ఓక్టాకోర్ మీడియాటెక్ హెలియో జీ85 ఎస్వోసీ చిప్‌సెట్ అండ్ మాలీ-జీ52 జీపీయూ.

• ఎల్పీడీడీఆర్4ఎక్స్ రామ్‌, ఈఎంఎంసీ 5.1 ఫ్లాష్ మెమొరీ.

• 5000 ఎంఏహెచ్ సామ‌ర్థ్యం గ‌ల బ్యాట‌రీ.

• డ్యూయ‌ల్ రేర్ కెమెరా సెట‌ప్: 50- మెగా పిక్సెల్ ప్రైమ‌రీ సెన్స‌ర్, 5-మెగా పిక్సెల్ కెమెరా సెన్స‌ర్ ఇన్ డ్యూ-డ్రాప్ నాచ్‌.

• రేర్ ప్యానెల్‌పై పిల్ షేప్డ్ సింగిల్ కెమెరా, ఎల్ఈడీ ఫ్లాష్.

• బ‌యోమెట్రిక్ ధృవీక‌ర‌ణ కోసం ఫింగ‌ర్‌ప్రింట్ స్కాన‌ర్.