ఎండాకాలం బయటికి వెళితే కాలిజోళ్లు ఎంత అవసరమో చలువ కళ్లజోళ్లూ అంతే అవసరం. సమ్మర్ వెకేషన్ అంటూ మండేఎండల్లో ట్రిప్పులకు వెళ్లేవాళ్లకయితే ఇవి అలంకారంలా కనిపించే అత్యవసరాలు కూడా. వాటినే ఇప్పుడు పర్యావరణ హితంగా రూపొందిస్తున్నారు డిజైనర్లు. మలాక్కా ఉడెన్ సన్గ్లాసెస్… పేరిట రూపొందించిన ఈ చలువ కళ్లద్దాల ఫ్రేములు చెక్కతో తయారవుతున్నాయి. అమెరికన్ వాల్నట్ ఉడ్తో చేసిన దీని అద్దాలు గులాబీ ఆకుపచ్చ రంగుల కలబోతగా కనిపిస్తాయి. పెద్దసైజులో స్టైల్ ఐకాన్లా కనిపించే వీటి ధర రూ. 4,400. brownliving.in వెబ్సైట్ ద్వారా ఖరీదు చేయవచ్చు.
వేసవిలో చాలా అడుగులు బీచ్వైపే పడతాయి. సముద్రపు అలల మీదుగా వచ్చే చల్లగాలిని ఆస్వాదిస్తూ ఎండ వేడిమిని మర్చిపోతుంటారు. ఇలాంటి సందర్భాల్లో ధరించేందుకు ప్రత్యేకించి బీచ్ డ్రెస్సులు ఉంటాయన్న సంగతి తెలిసిందే. ఫ్యాషన్ సంస్థ గువాపా ఈ కోవకు చెందిన సరికొత్త టాప్ను రూపొందించింది. రంగుల పూల ప్రింట్లతో అచ్చం స్కార్ఫ్ కట్టుకున్నట్లు కనిపిస్తుందీ పొడవాటి బ్యాక్లెస్ టాప్. ‘జార్డిన్ స్కార్ఫ్ బ్యాండో టాప్’గా పిలుస్తున్న దీన్ని శాటిన్తో తయారు చేశారు. పాండిచ్చేరి సముద్ర తీరానికి ఈ డ్రెస్ ప్రేమలేఖలాంటిదని చెబుతారు డిజైనర్లు. guaparesortwear.com క్లిక్ చేసి.. నచ్చిన మోడల్ ఎంచుకోవచ్చు. ధర రూ. 5,500.
అతివల చీరలు, ఆడపిల్లల డ్రెస్సులకే ప్యాచ్ వర్కులు ఉండాలా… రెండు విభిన్న అందాల కలబోతగా కనిపించే దీన్ని ఫ్యాషన్కు పేరైనా బూట్లలో వాడకూడదా… అని అనుకున్నారేమో డిజైనర్లు… స్నీకర్స్నూ ప్యాచ్వర్క్తో ప్రత్యేకంగా తీర్చిదిద్దారు. ప్రముఖ బూట్ల తయారీ సంస్థ వ్యాన్స్ ‘బ్రొకేడ్ క్లాసిక్ స్లిప్ ఆన్ షూస్’ పేరిట రూపొందించిన ఈ బూట్ల మీద పూల బ్రొకేడ్ ఫ్యాబ్రిక్తో ప్యాచ్వర్క్ చేశారు. తెలుపు నలుపు రంగుల కలబోతగా తయారైన ఈ రెండు బూట్లూ ఒకదానికొకటి కాస్త విభిన్నంగా కనిపిస్తూ ైస్టెలిష్లుక్ని తెచ్చిపెడతాయి. నడిచేప్పుడు మంచి గ్రిప్ ఉండేలా వేఫర్ రబ్బర్ సోల్ వాడారు.. farfetch.com వెబ్సైట్లో దొరుకుతాయీ స్నీకర్స్. ధర సుమారు రూ.12 వేలు.
ఫ్యాషన్ దుస్తులు, యాక్సెసరీలంటే ఎవరికైనా మోజే. వీటి ఎంపికలో మోడల్కి ఎంత ప్రాధాన్యమిస్తారో, బ్రాండ్లకు అంతకు మించి విలువనిస్తారు. ఇంకోమెట్టు ముందుకెళ్లే వాళ్లయితే డిజైనర్లు తయారు చేసినవాటికే తమ ఓటు అంటూ డిజైనర్ వస్తువుల మీద మోజు తెలుపుతుంటారు. ఇక్కడ కనిపిస్తున్న హ్యాండ్ బ్యాగ్ అలాంటిదే. ‘ఫూల్ చాదర్ బ్రొకేడ్ కేస్బ్యాగ్’ పేరిట సెలెబ్రిటీ ఫ్యాషన్ డిజైనర్ తరుణ్ తహ్లియాని దీన్ని రూపొందించారు. ఎరుపు రంగు పర్సు మీద బ్రొకేడ్ డిజైన్, రంగురంగుల పూసలు, ఎంబ్రాయిడరీతో రూపొందిన ఈ కేస్ బ్యాగ్ ధర రూ.14,900. నచ్చితే ensembleindia.com వెబ్సైట్లో ఆర్డర్ చేయవచ్చు.
“Naya Mall |ఈ స్మార్ట్ రింగ్ మీ హార్ట్ రేట్ కూడా చెప్పేస్తుంది”