Visit:
Commercial Cylinders | కొంతకాలంగా పశ్చిమాసియాలో నెలకొన్న యుద్ధ వాతావరణం, అంతర్జాతీయ రాజకీయ అనిశ్చితి కారణంగా ప్రపంచవ్యాప్తంగా ఇంధన సరఫరాకు తీవ్ర అంతరాయం ఏర్పడిన విషయం తెలిసిందే. ఈ ప్రభావంతో ముడిచమురు, సహజవాయువు (LNG)రవాణా మార్గాల్లో తీవ్ర ఇబ్బందులు ఏర్పడగా.. తద్వారా వాటి ధరలు భారీగా పెరిగాయి. ఓ వైపు గ్యాస్ కొరత.. మరోవైపు కమర్షియల్ సిలిండర్ల ధర పెరుగడంతో ఈజీ మనీ కోసం ఆకతాయిలు దౌర్జన్యాలకు పాల్పడుతున్న ఘటనలు దేశవ్యాప్తంగా ఎక్కడో ఒక చోట కనిపిస్తూనే ఉన్నాయి.
తాజాగా కమర్షియల్ సిలిండర్లపై కన్నేసిన కొందరు యువకులు చెలరేగిపోయారు. టిఫిన్ సెంటర్ నిర్వాహకులపై దాడి చేసి మరీ గ్యాస్ సిలిండర్లను ఎత్తుకెళ్లారు. ఈ ఘటన జీడిమెట్ల పోలీస్ స్టేషన్ పరిధిలో వెలుగుచూసింది. కొందరు యువకులకు జీడిమెట్ల పోలీస్ స్టేషన్ పరిధిలోని డీపీ కాలనీలో ఉన్న ఓ టిఫిన్ సెంటర్లో ఉన్న కమర్షియల్ సిలిండర్లపై కన్ను పడ్డది. ఇంకేంటి వాటిని ఎలాగైనా ఎత్తుకెళ్లాలని ప్లాన్ చేసిన యువకులు సదరు టిఫిన్ సెంటర్ సిబ్బందిపై దారుణంగా దాడి చేసి 3 కమర్షియల్ సిలిండర్లను ఎత్తుకెళ్లారు.
దీనికి సంబంధించిన దృశ్యాలు సీసీటీవీలో రికార్డయ్యాయి. బాధితుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు కొనసాగిస్తున్నారు. బస్తీలోని ఆకతాయిల ముఠాల వల్ల నరకయాతన అనుభవిస్తున్నామని స్థానికులు ఆవేదన వ్యక్తం చేస్తున్నారు.
సీసీటీవీ ఫుటేజ్
టిఫిన్ సెంటర్ పై దాడి చేసి కమర్షియల్ సిలిండర్లు ఎత్తుకెళ్లిన దుండగులు
హైదరాబాద్ – జీడిమెట్ల పోలీస్ స్టేషన్ పరిధిలోని డీపీ కాలనీలో ఉన్న ఓ టిఫిన్ సెంటర్ సిబ్బందిపై దారుణంగా దాడి చేసి, 3 కమర్షియల్ సిలిండర్లు ఎత్తుకెళ్లిన యువకులు
బస్తీలోని ఆకతాయిల ముఠాల వల్ల… pic.twitter.com/bdfGm9oXpG
— Telugu Scribe (@TeluguScribe) May 25, 2026
