Car accicent | మేడిపల్లి పోలీస్ స్టేషన్ పరిధిలో విషాదం.. కారు ఢీ కొని బాలుడు మృతి

Car accicent | ఓ వ్యక్తి అజాగ్రత్త డ్రైవింగ్‌తో బాలుడి మృతికి కారణమైంది. ఈ సంఘటన మేడిపల్లి పోలీస్ స్టేషన్ పరిధిలో చోటు చేసుకుంది.

పీర్జాదిగూడ మే 25: ఓ వ్యక్తి అజాగ్రత్త డ్రైవింగ్‌తో బాలుడి మృతికి కారణమైంది. ఈ సంఘటన మేడిపల్లి పోలీస్ స్టేషన్ పరిధిలో చోటు చేసుకుంది. పోలీసులు తెలిపిన వివరాలు ఇలా ఉన్నాయి. పర్వతాపూర్ భూలక్ష్మి నగర్ కాలనీకి చెందిన చౌహన్ రాజకుమార్ కుమారుడు విజయరాజ్ (18 నెలలు) శనివారం రాత్రి ఇంటి బయట ఆడుకుంటున్నాడు. ఈ క్రమంలో పక్కనే నివాసం ఉంటున్న శ్రీనాథ్ అనే వ్యక్తి తన కారును నిర్లక్ష్యంగా నడుపుతూ విజయ్ రాజ్‌ను ఢీ కొట్టాడు.

ఈ ప్రమాదంలో బలుడి తలపై నుంచి కారు వెళ్లడం వల్ల తీవ్ర గాయాలు కావడంతో వెంటనే చికిత్స కోసం స్థానికంగా ఉన్న ఓ ప్రైవేట్ హాస్పిటల్‌కు తరలించారు. వైద్యులు పరీక్షించి బాలుడు అప్పటికే మృతి చెందినట్లు ధృవీకరించారు. తన కుమారుని మృతికి కారణమైన వ్యక్తిపై కుటుంబ సభ్యులు ఆదివారం పోలీసులకు ఫిర్యాదు చేశారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.