Visit:
ఇబ్రహీంపట్నం, నవంబర్‌ 30 : సర్పంచ్‌ ఎన్నికల సందర్భంగా ప్రచారం కొత్త పుంతలు తొక్కుతున్నది. ఫేస్‌బుక్‌, వాట్సాప్‌లే వేదికగా ఓటు వేయాలని పోటీదారులు అభ్యర్థిస్తున్నారు. అలాగే కొంతమంది గ్రూపు క్రియేట్‌ చేసి తమ నాయకులను ఎన్నుకోవాలని ప్రచారం చేస్తున్నారు. ఇబ్రహీంపట్నం, మంచాల, యాచారం, అబ్దుల్లాపూర్‌మెట్‌ మండలాల్లో సుమారు లక్షకు పైగా సెల్‌ఫోన్‌ వినియోగదారులు సోషల్‌ మీడియా ద్వారా తమ ప్రచారాన్ని ముమ్మరం చేస్తున్నారు. గతంలో పంచాయతీ ఎన్నికల్లో మంది వాల్‌ పోస్టర్లు, డోర్‌ పోస్టర్లు, గుర్తులతో కూడిన స్లిప్పులను మాత్రమే వినియోగించేవారు.
ప్రస్తుతం ఎన్నికల్లో ఎక్కువమంది యువకులే పోటీచేస్తున్న నేపథ్యంలో పైసా ఖర్చు లేకుండా ఫేస్‌బుక్‌, వాట్సాప్‌లను ప్రచారాస్ర్తాలుగా మార్చుకుంటున్నారు. నియోజకవర్గంలో ప్రతి గ్రామంలో గ్రామ వెల్ఫేర్‌ అసోసియేషన్‌, గ్రామాభివృద్ధి గ్రూపులతో పాటు ప్రతి పదిమంది స్నేహితులు కలిస్తే ఒక గ్రూపును ఏర్పాటు చేసుకుంటున్నారు. ప్రతి పార్టీకి ఒక్క గ్రూపు ఉండటమే కాకుండా అనుబంధ సంఘాలు కూడా ప్రత్యేక గ్రూపులను నిర్వహిస్తున్నారు.
