BC reservations | బీసీలకు రిజర్వేషన్లు అమలు చేసేదాకా పోరాడుతాం.. షాబాద్‌లో కొనసాగుతున్న నిరాహార దీక్షలు

స్థానిక సంస్థలలో బీసీలకు 42శాతం రిజర్వేషన్లు అమలు చేసేదాకా పోరాడుతామని బీసీ రిజర్వేషన్ల సాధన సమితి సభ్యులు అన్నారు.

షాబాద్‌, నవంబర్‌ 17: స్థానిక సంస్థలలో బీసీలకు 42శాతం రిజర్వేషన్లు అమలు చేసేదాకా పోరాడుతామని బీసీ రిజర్వేషన్ల సాధన సమితి సభ్యులు జడల రాజేందర్‌గౌడ్‌, తమ్మలి రవీందర్‌, కల్వకోల్‌ వెంకట్‌యాదవ్‌, రాపోలు నర్సింహులు అన్నారు. బీసీలకు రిజర్వేషన్లు కల్పించాలని డిమాండ్‌ చేస్తూ బీసీ రిజర్వేషన్ల సాధన సమితి ఆధ్వర్యంలో వికారాబాద్‌ జిల్లా షాబాద్‌ మండల కేంద్రంలోని అంబేద్కర్‌ చౌరస్తాలో చేపట్టిన రిలే నిరహార దీక్షలు 37వ రోజుకు చేరుకున్నాయి.

సోమవారం చందనవెళ్లి గ్రామస్తులు రిలే దీక్షలో కూర్చున్నారు. ఈ సందర్భంగా బీసీ రిజర్వేషన్ల సాధన సమితి సభ్యులు మాట్లాడుతూ..బీసీలకు దామాషా ప్రకారం రిజర్వేషన్లు కల్పించాలని డిమాండ్‌ చేశారు. జనాభాలో అత్యధికంగా ఉన్న బీసీలకు రిజర్వేషన్ల విషయంలో అన్యాయం జరుగుతుందని చెప్పారు. బీసీలకు రిజర్వేషన్లు అమలు చేయాలని షాబాద్‌లో రిలే నిరహార దీక్షలు చేపట్టడం గొప్ప పరిణామన్నారు. బీసీలంతా ఏకతాటిపైకి వచ్చి హక్కుల సాధనకు ఉద్యమించాలని సూచించారు. ఈ కార్యక్రమంలో బీసీ రిజర్వేషన్ల సాధన సమితి సభ్యులు తదితరులున్నారు.