నేటి నుంచి బడిబాట

ప్రభుత్వ పాఠశాలల్లో విద్యార్థుల ప్రవేశాలను పెంచేందుకు విద్యాశాఖ ఆధ్వర్యంలో ఈ నెల 3 నుంచి 11వ తేదీ వరకు బడిబాట కార్యక్రమాన్ని నిర్వహించనున్నారు. బడీడు పిల్లలు, ఐదేండ్లు నిండిన వారు, బడి బయటి పిల్లలు, మధ్యలో బడి మానేసిన వారిని గుర్తించి వారిని ప్రభుత్వ పాఠశాలల్లో చేర్పిం చేందు కు విద్యాశాఖ ఏటా బడిబాట కార్యక్రమాన్ని నిర్వహిస్తున్నది.

• ఈ నెల 11 వరకు వికారాబాద్‌ జిల్లాలోని అన్ని పాఠశాలల్లో నిర్వహణ
• ఆదేశాలు జారీ చేసిన విద్యాశాఖ

బొంరాస్‌పేట, జూన్‌ 2 : ప్రభుత్వ పాఠశాలల్లో విద్యార్థుల ప్రవేశాలను పెంచేందుకు విద్యాశాఖ ఆధ్వర్యంలో ఈ నెల 3 నుంచి 11వ తేదీ వరకు బడిబాట కార్యక్రమాన్ని నిర్వహించనున్నారు. బడీడు పిల్లలు, ఐదేండ్లు నిండిన వారు, బడి బయటి పిల్లలు, మధ్యలో బడి మానేసిన వారిని గుర్తించి వారిని ప్రభుత్వ పాఠశాలల్లో చేర్పిం చేందు కు విద్యాశాఖ ఏటా బడిబాట కార్యక్రమాన్ని నిర్వహిస్తున్నది.

ఇందులో భాగంగా ఉపాధ్యాయులు ప్రతిరోజూ ఉదయం 7 నుంచి 11 గంటల వరకు గ్రామాల్లో ఇం టింటికీ తిరిగి బడీడు పిల్లలను గుర్తించి సమీప పాఠశాలల్లో చేర్పించడం, ప్రభుత్వ పాఠశాలల్లో విద్యార్థులకు ఉచితంగా అందజేస్తున్న పాఠ్యపుస్తకాలు, నోటు పుస్తకాలు, యూనిఫాం, మధ్యాహ్న భోజనంతో నాణ్యమైన విద్య గురించి తల్లిదండ్రులకు అవగాహన కల్పించనున్నారు. బడిబాటకు సంబంధించి రోజువారీగా నిర్వహించే కార్యక్రమాల షెడ్యూలును జిల్లా విద్యాశాఖ విడుదల చేసింది. అన్ని మండలాల్లో బడిబాటను విజయవంతం చేయాలని అధికారులు ఆదేశాలు జారీ చేశారు.

• 3వ తేదీన గ్రామస్థాయిలో మహిళా సంఘాలతో సమావేశం నిర్వహించి బడిబాట ఎన్‌రోల్‌మెంట్‌ డ్రైవ్‌ గురించి చర్చించడం.. బడీడు పిల్లలతో ప్రతిజ్ఞ చేయించి మహి ళా సంఘాలు, అమ్మ ఆదర్శ పాఠశాల కమిటీ సభ్యులు, ఉపాధ్యాయులు ర్యాలీ నిర్వహించాలి.
• 4వ తేదీన గ్రామాల్లోని ప్రతి ఇంటికీ తిరిగి బడీడు పిల్లలను గుర్తించి పాఠశాలల్లో చేర్పించాలి. బడికి వెళ్తున్న విద్యార్థుల జాబితా తయారు చేసి విలేజ్‌ ఎడ్యుకేషన్‌ రిజిస్టర్‌ను అప్‌డేట్‌ చేయాలి.
• 5వ తేదీ నుంచి 10వ తేదీ వరకు బడీడు పిల్లల నమోదు కోసం ఇంటింటి ప్రచా రం నిర్వహించాలి. అంగన్‌వాడీ కేంద్రాలను సందర్శించి బడీడు పిల్లలను బడిలో చేర్పించేలా తల్లిదండ్రులను మోటివేట్‌ చేయాలి. బడిబయట ఉన్న పిల్లలను గుర్తించి బడిలో, ప్రత్యేక అవసరాలు గల పిల్లలను గుర్తించి సమీపంలోని భవిత కేంద్రాల్లో చేర్పించాలి. ప్రభుత్వ పాఠశాలల్లో ప్రభుత్వం కల్పిస్తున్న వసతి, సౌకర్యాల గురించి కరపత్రాల పంపిణీ ద్వారా అవగాహన కల్పించాలి.
• 11వ తేదీన గ్రామసభ నిర్వహించి 3 నుంచి 10వ తేదీ వరకు నిర్వహించిన కార్యక్రమాల గురించి చర్చించాలి. బడిబాట అనంతరం 12వ తేదీ నుంచి 19వ తేదీ వరకు రోజువారీగా చేపట్టే కార్యక్రమాల గురించి చర్చించాలి. బడిబాట ముగిసిన అనంతరం 12వ తేదీ నుంచి 19వ తేదీ వరకు వారం రోజులు ప్రభుత్వ పాఠశాలల్లో వివిధ కార్యక్రమాలు నిర్వహించాలని విద్యాశాఖ అధికారులు ఆదేశాలు జారీ చేశారు.