ప్రభాస్, పూజా హెగ్డే ప్రధాన పాత్రలలో జిల్ ఫేం రాధా కృష్ణ కుమార్ తెరకెక్కించిన చిత్రం రాధే శ్యామ్. 1960 దశకం నాటి వింటేజ్ ప్రేమకథా చిత్రంగా రూపొందుతున్న ఈ చిత్రంలో ప్రభాస్ సరసన అందాల భామ పూజా హెగ్డే హీరోయిన్గా నటిస్తోంది. కృష్ణంరాజు సమర్పణలో గోపీకృష్ణ బ్యానర్, యూవీ క్రియేషన్స్ సంయుక్తంగా నిర్మిస్తున్నాయి. తెలుగు, తమిళం, కన్నడ, మలయాళం, హిందీ భాషల్లో పాన్ ఇండియా మూవీగా ఈ సినిమా జూలై 30న ప్రేక్షకుల ముందుకు రానుంది.
ఈ సినిమా అప్డేట్ కోసం అభిమానులు కళ్లు కాయలు కాచేలా చూస్తుండగా, ఉగాది పండుగను పురస్కరించుకొని చిత్రం నుండి ప్రభాస్ కూల్ లుక్ ఒకటి విడుదల చేశారు. ఇందులో నవ్వుకుంటూ ఎంతో ఉల్లాసంగా కనిపిస్తున్నాడు డార్లింగ్. ఈ పోస్టర్ అభిమానులని ఆకట్టుకుంటుంది. ఇక ఈ చిత్రం దక్షిణాది భాషలకు సంగీతం సమకూర్చే బాధ్యతను జస్టిన్ ప్రభాకరన్కు అప్పగించిన రాధాకృష్ణ.. హిందీ వెర్షన్కు మిథున్, మనన్ భరద్వాజ్ లకు అప్పగించారు.