చదువుకు తగిన జాబ్ ఎప్పుడు?
మా ఇంటికి వారంలో చాలాసార్లు క్విక్ కామర్స్ యాప్ల నుంచి సరుకులు వస్తుంటాయి. తలుపు దగ్గర పార్సిల్ అందించే యువకులతో రెండు మాటలు మాట్లాడటం నాకు అలవాటు. ‘ఏం చదివావు బాబూ? ఏ ఊరు?‘ అని అడుగుతుంటాను. వచ్చే జవాబులు నన్ను ఆలోచనలో పడేస్తాయి. అందులో కొందరు ఇంజినీరింగ్, డిగ్రీ, పీజీ చదివినవాళ్లు ఉంటారు. వాళ్లంతా రాష్ట్రంలోని వేర్వేరు జిల్లాల నుంచి వచ్చినవాళ్లు.
మా ఇంటికి వారంలో చాలాసార్లు క్విక్ కామర్స్ యాప్ల నుంచి సరుకులు వస్తుంటాయి. తలుపు దగ్గర పార్సిల్ అందించే యువకులతో రెండు మాటలు మాట్లాడటం నాకు అలవాటు. ‘ఏం చదివావు
బాబూ? ఏ ఊరు?‘ అని అడుగుతుంటాను. వచ్చే జవాబులు నన్ను ఆలోచనలో పడేస్తాయి. అందులో కొందరు ఇంజినీరింగ్, డిగ్రీ, పీజీ చదివినవాళ్లు ఉంటారు. వాళ్లంతా రాష్ట్రంలోని వేర్వేరు జిల్లాల
నుంచి వచ్చినవాళ్లు. చదువుకు తగ్గ ఉద్యోగం దొరకక, ఇంటికి భారం కాకూడదని ఈ పనిలో చేరినవాళ్లు. ఎండలో, వానలో, ట్రాఫిక్లో వేగంగా సరుకులు అందించే ఆ యువకులు కష్టపడి, గౌరవంగా తమ కుటుంబాలను పోషిస్తున్నారు. పార్సిల్ అందుకుని తలుపు మూసిన ప్రతిసారీ ఒక ప్రశ్న నన్ను వెంటాడుతుంది ఈ బిడ్డల చదువు, ఈ బిడ్డల కల ఎక్కడ ఆగిపోయింది అని?
హైదరాబాద్లో ఈ నెల 14న కాంగ్రెస్ నాయకుడు రాహుల్గాంధీ గిగ్ వర్కర్ల ర్యాలీలో పాల్గొన్నారు. గిగ్ వర్కర్ల సంక్షేమం కోసం ఓ పథకాన్ని ప్రకటించారు. దాదాపు 4.5 లక్షల మందికి రూ.10 లక్షల ఆరోగ్య బీమా, రూ.5 లక్షల ప్రమాద బీమా అందిస్తామని చెప్పారు. కానీ బీమా ప్రమాదం జరిగాక ఆదుకుంటుంది, ఉద్యోగం జీవితాన్ని నిలబెడుతుంది. చదువుకున్న యువకుడికి కావాల్సింది రెండోది. భారత్ జోడో యాత్రలో రాహుల్ తెలంగాణ గ్రామాల మీదుగా పాదయాత్ర చేస్తూ యువతతో మాట్లాడారు. ఈ సారి ఒక గిగ్ వర్కర్ బైక్ వెనుక కూర్చుని, ముచ్చటించారు. ఆ బైక్ నడిపిన వారిని ‘ఏం చదివావు?‘ అని అడిగి ఉంటే, బహుశా మా తలుపు దగ్గర నాకు వచ్చిన జవాబే వచ్చి ఉండేది. ఆ జవాబుల్లోనే మన బిడ్డల చదువుకు, వాళ్లకు దొరుకుతున్న పనికి మధ్య ఉన్న దూరం కనిపించేది.
యువతకు ఎన్నికల ముందు కాంగ్రెస్ పలు హామీలు ఇచ్చింది. ఉద్యోగం వచ్చే వరకు నెలకు రూ.4,000 భృతి అందిస్తామని 2023 మేలో హైదరాబాద్ యూత్ డిక్లరేషన్ సభలో ప్రియాంక గాంధీ ప్రకటించారు. అధికారంలోకి వస్తే మొదటి ఏడాదిలోనే రెండు లక్షల ప్రభుత్వ ఉద్యోగాలు భర్తీ చేస్తామని, ఏటా జాబ్ క్యాలెండర్ ప్రకటిస్తామని అన్నారు. మరి అధికారంలోకి వచ్చిన తర్వాత కొన్ని వారాలకే కాంగ్రెస్ నేతలు మాట మార్చారు. నిరుద్యోగ భృతి హామీనే ఇవ్వలేదని ఉపముఖ్యమంత్రి అసెంబ్లీలో చెప్పారు.
వెయ్యి రోజుల్లో 72 వేలకు పైగా ఉద్యోగాలు ఇచ్చామని ప్రభుత్వం చెప్తున్నది. అందులో చాలా నోటిఫికేషన్లు గత ప్రభుత్వానివేనని ప్రతిపక్షం అంటున్నది. మరోవైపు లక్ష ఉద్యోగాలు ఇచ్చామని నోటి మాటగా ముఖ్యమంత్రి ప్రచారం చేస్తున్నారు. ఎవరి లెక్క ఎలా ఉన్నా, ఒక సాధారణ పౌరుల ప్రశ్నలు సూటిగా ఉన్నాయి. మాట ఇచ్చింది ఎవరు? ఆ మాట నమ్మి ఓటు వేసింది ఎవరు? ఇప్పుడు నోటిఫికేషన్ల కోసం నిరీక్షిస్తున్నది ఎవరు?
హైదరాబాద్కు దేశంలోని ప్రతి పెద్ద నగరంతోనూ పోటీ ఉంటుంది. రాష్ట్రం ఏర్పడ్డ తర్వాత కేసీఆర్ ప్రభుత్వం తెచ్చిన టీఎస్-ఐపాస్ లాంటి వేగవంతమైన అనుమతుల విధానం, అప్పటి ఐటీ మంత్రి కేటీఆర్ చొరవ, పెట్టుబడిదారులకు అందుబాటులో ఉండే నాయకత్వం వల్లే ప్రపంచ దిగ్గజ సంస్థలు హైదరాబాద్ను ఎంచుకున్నాయి. అమెజాన్ ప్రపంచంలోనే తన అతిపెద్ద క్యాంపస్ను భాగ్యనగరంలో నిర్మించింది. ఫలితం అంకెల్లోనే కనిపిస్తున్నది. 201314లో దాదాపు రూ.57 వేల కోట్లుగా ఉన్న రాష్ట్ర ఐటీ ఎగుమతులు 202223 నాటికి రూ.2.41 లక్షల కోట్లకు చేరాయి. ఐటీ రంగంలో ఉద్యోగాలు తొమ్మిది లక్షలు దాటాయి. పదేండ్లలోనే బెంగళూరుకు హైదరాబాద్ గట్టి పోటీ ఇచ్చే స్థాయికి ఎదిగింది. పక్క రాష్ట్రం విశాఖను దేశ తదుపరి ఐటీ, ఏఐ కేంద్రంగా మార్చుతామని చెప్తున్నది. గూగుల్ లాంటి సంస్థ అక్కడ భారీ ఏఐ కేంద్రం ప్రకటించింది. ఇది ఆరోగ్యకరమైన పోటీని తప్పుపట్టాల్సిన అవసరం లేదు. కానీ పెట్టుబడిదారులు ఎప్పుడూ ఎర్ర తివాచీ పరిచిన చోటికే వెళ్తారు. హైదరాబాద్ ఇప్పటిదాకా సాధించిన స్థానాన్ని నిలబెట్టుకోవాలంటే, బీఆర్ఎస్ ప్రభుత్వం చూపించిన వేగం, చొరవ ఇప్పుడు కూడా కొనసాగాలి.
ఉద్యోగాలన్నీ హైదరాబాద్లోనే రాజధాని మీద భారం పెరుగుతుంది, ఊర్లు ఖాళీ అవుతాయి. ఇది గుర్తించే గత ప్రభుత్వం వరంగల్, కరీంనగర్, ఖమ్మం, నిజామాబాద్, మహబూబ్నగర్, సిద్దిపేట, నల్లగొండ లాంటి జిల్లా కేంద్రాల్లో ఐటీ టవర్లు నిర్మించింది. ఇప్పుడు ఆ టవర్లను పెద్ద కంపెనీలతో, వేలాది ఉద్యోగాలతో నింపాల్సిన బాధ్యత ప్రస్తుత ప్రభుత్వానిది. అప్పుడే జిల్లాల యువతకు సొంత ఊరికి దగ్గరలోనే ఉపాధి దొరుకుతుంది. నైపుణ్య శిక్షణలో గత ప్రభుత్వం ప్రారంభించిన తెలంగాణ నైపుణ్య, విజ్ఞాన అకాడమీ (టాస్క్) పనితీరును నీతి ఆయోగ్ కూడా ప్రశంసించింది.
ఇప్పటికైనా ముఖ్యమంత్రి, తెలంగాణ నుంచి ఉన్న ఇద్దరు కేంద్ర మంత్రులు కలిసి ఢిల్లీలో గట్టిగా ప్రయత్నించాలి. సెమీకండక్టర్ మిషన్ రెండో దశలో తెలంగాణకు కనీసం ఒక చిప్ ప్యాకేజింగ్ యూనిట్ సాధించాలి. ఆ పరిశ్రమలకు కావాల్సిన భూమి, నీరు, విద్యుత్తు ముందే సిద్ధం చేయాలి. ఎలక్ట్రానిక్స్ విడిభాగాల పరిశ్రమలకు కేంద్ర పథకంతోపాటు రాష్ట్రం అదనపు ప్రోత్సాహకాలు ఇవ్వాలి. ప్రతి అనుమతిలో స్థానిక యువతకు ఉద్యోగ, శిక్షణ లక్ష్యాలు ఉండాలి. జిల్లా కేంద్రాల్లోని ఐటీ టవర్లకు కంపెనీలను తీసుకురావడానికి ప్రత్యేక ప్రోత్సాహకాలు ఇవ్వాలి. జాబ్ క్యాలెండర్ ప్రకారం నోటిఫికేషన్లు సమయానికి రావాలి.
తెలంగాణ ఉద్యమం ‘నీళ్లు, నిధులు, నియామకాలు‘ కోసం జరిగింది. రాష్ట్రం సాధించిన తర్వాత ఆయా రంగాల్లో వేగంగా అడుగులు పడ్డాయి. కానీ ఆ మూడు విషయాల్లోనూ నేడు ఆందోళనకరమైన పరిస్థితులు నెలకొన్నాయి. మా తలుపు దగ్గర కలిసిన ఆ యువకుల్లో ఎవరో ఒకరు ఏదో ఒక రోజు ఫోన్ చేసి, ‘సార్, నేను చదివిన చదువుకు తగ్గ ఉద్యోగం మా జిల్లాలోనే వచ్చింది‘ అని చెప్పాలని కోరుకుంటున్నాను. ఆ రోజే ఉద్యమం కలగన్న నియామకాల తెలంగాణ నిజమవుతుంది. చదువుకు తగిన ఉద్యోగం దొరకక పార్సిల్ సరఫరా చేసే ఉద్యోగాలను ఎంచుకున్న యువతకు బీమా ప్రకటనలు కాకుండా, జీవితానికి ధీమా ఇచ్చేలా ప్రభుత్వ, ప్రైవేట్ రంగాల్లో ఉద్యోగావకాశాలు కల్పించాలి.
(వ్యాసకర్త: ఐటీ నిపుణుడు)
కల్వకుంట్ల శ్రీనివాస్రావు
99635 54419
Read Today's Latest Opinions News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

