ఓటు విలువ తెలుసుకో….

ఓటంటే ఒట్టి మాటల కోట కాదోయి.. ఓటంటే ప్రజాస్వామ్య బాట సుమా

ఓటంటే ఒట్టి మాటల కోట కాదోయి..
ఓటంటే ప్రజాస్వామ్య బాట సుమా

ఓటంటే ఇంకు చుక్క కాదోయి…
ఓటంటే వ్యవస్థనే
మార్చుకునే వెలుగు చుక్క సుమా

ఓటంటే చిత్తుకాగితం కాదోయి
ఓటంటే చైతన్యగీతం సుమా

ఓటంటే కీర్తి కిరీటం కాదోయి..
ఓటంటే స్ఫూర్తి పోరాటం సుమా!

ఓటంటే అసామాన్య స్వరబాణి కాదోయి
ఓటంటే సామాన్య జనవాణి సుమా..

ఓటంటే అమ్ముకునే సరుకు కాదోయి
ఓటంటే నీ అంబులపొదిలో శరము సుమా

ఓటంటే అపరిచిత పదం కాదోయి
ఓటంటే ఆత్మశుద్ధి వాక్యం సుమా..

ఓటంటే స్వార్థాల వ్యవహారం కాదోయి
ఓటంటే నిస్వార్థాల సమాహారం సుమా..

ఓటంటే నిన్ను ఎత్తుకునే సంపతి కాదోయి
ఓటంటే నిన్ను హత్తుకునే సోపతి సుమా

ఓటంటే రాచరికపు పీఠం కాదోయి
ఓటంటే రాజ్యాంగపు పాఠం సుమా.

ఓటంటే వాగ్దానాల వర్షం కాదోయి
ఓటంటే వమ్ముకాని హర్షం సుమా

మునుగోడులో నేడే ఓట్ల యుద్ధం
బాధ్యతగా వేసే ఓటే ప్రగతికి అద్దం

-డాక్టర్‌.కటుకోఝ్వల రమేష్‌
99490 83327