Karun Nair | అయ్యో కరణ్ నాయర్.. కనుమరుగైన ట్రిపుల్ సెంచరీ హీరో
Karun Nair : టెస్టుల్లో ట్రిపుల్ సెంచరీ(Triple Century) అంటే మామూలు విషయం కాదు. అతి కొద్ది మంది క్రికెటర్లకు మాత్రమే సాధ్యమైన ఫీట్‌. సచిన్‌ టెండూల్కర్‌(Sachin Tendulkar), సౌరవ్‌ గంగూలీ (Sourav Ganguly), వీవీఎస్‌ లక్ష్మణ్‌ (VVS Laxman) లాంటి దిగ్గజాలకు సైతం సాధ్యంకాని ట్రిపుల్ సెంచరీ మార్క్‌ను కేవలం ఇద్దరే ఇద్దరు భారత క్రికెటర్లు అందుకున్నారు. వీరేంద్ర సెహ్వాగ్‌ (Virendra Sehwag) తొలిసారి ఈ అద్భుతాన్ని ఆవిష్కరిస్తే.. కర్ణాటక చిన్నోడు..
Karun Nair : టెస్టుల్లో ట్రిపుల్ సెంచరీ(Triple Century) అంటే మామూలు విషయం కాదు. అతి కొద్ది మంది క్రికెటర్లకు మాత్రమే సాధ్యమైన ఫీట్‌. సచిన్‌ టెండూల్కర్‌(Sachin Tendulkar), సౌరవ్‌ గంగూలీ (Sourav Ganguly), రాహుల్ ద్రవిడ్‌(Rahul Dravid), వీవీఎస్‌ లక్ష్మణ్‌ (VVS Laxman) లాంటి దిగ్గజాలకు సైతం సాధ్యంకాని ట్రిపుల్ సెంచరీ మార్క్‌ను కేవలం ఇద్దరే ఇద్దరు భారత క్రికెటర్లు అందుకున్నారు. వారిలో నజాఫ్‌గఢ్‌ నవాబ్‌గా పేరొందిన వీరేంద్ర సెహ్వాగ్‌ (Virendra Sehwag) తొలిసారి ఈ అద్భుతాన్ని ఆవిష్కరిస్తే.. కర్ణాటక చిన్నోడు కరణ్ నాయర్ (Karun Nair) ఇంగ్లండ్‌పై టెస్టులో రిపీట్‌ చేశాడు. రంజీల్లో అద్భుతంగా రాణించిన నాయర్ జట్టులోకి వ‌స్తాడ‌నుకుంటే అంద‌ర్నీ ఆశ్చ‌ర్య‌ప‌రుస్తూ ఆట నుంచి క‌నుమ‌రుగ‌య్యాడు.
దేశవాళీ క్రికెట్‌(Domestic Cricket)లో 2013-14లో అరంగేట్రం చేసిన కరణ్ నాయర్ (Karun Nair) ఆ ఏడాది ఫైనల్లో 328 పరుగులతో కర్ణాటకను రంజీ ట్రోఫీలో విజేతగా నిలిపాడు. ఆ తర్వాత సీజన్‌లోనూ నాయర్ రెండు సెంచరీలు, రెండు అర్ధసెంచరీలతో రాణించాడు. సెలెక్టర్ల దృష్టిలో పడ్డ కరణ్ స్వదేశం వేదికగా ఇంగ్లండ్‌తో జరిగిన టెస్టు సిరీస్‌కు ఎంపికయ్యాడు. మొహాలీ టెస్టు(Mohli Test)లో అరంగేట్రం చేసిన కరణ్ ఒకే ఇన్నింగ్స్‌లో అత్యధిక పరుగులు(303) చేసిన క్రికెటర్‌గా నిలిచాడు. దీనికి తోడు టెస్టు క్రికెట్‌ చరిత్రలో తొలి టెస్టులోనే ట్రిపుల్ సెంచరీ చేసిన మూడో క్రికెటర్‌గా రికార్డుల్లోకెక్కాడు. సెహ్వాగ్‌ తర్వాత భారత్‌ తరఫున టెస్టుల్లో త్రిశతకం చేసిన రెండో క్రికెటర్‌గా కరణ్ నిలిచాడు.
వీరేంద్ర సెహ్వాగ్‌, కరణ్ నాయర్
పాకిస్థాన్‌తో ముల్తాన్‌లో 2004లో జరిగిన మ్యాచ్‌లో సెహ్వాగ్‌ 309 పరుగులతో కొత్త చరిత్ర లిఖించాడు. పాక్‌ బౌలర్లకు పట్టపగలు చుక్కలు చూపిస్తూ ‘ముల్తాన్‌ కా సుల్తాన్‌’(Multan KaaSultan) అనిపించుకున్నాడు. ఆ తర్వాత దక్షిణాఫ్రికాపై 2008లో సెహ్వాగ్‌ మరోమారు 319 పరుగులు చేశాడు. అయితే ట్రిపుల్ సెంచ‌రీని మ‌రో భారత ఆట‌గాడు మళ్లీ పునరావృతం చేసేందుకు చాలా ఏండ్లు పట్టింది. ఇలా లెక్కకు మిక్కిలి రికార్డులు సొంతం చేసుకున్న కరణ్ ఎంత వేగంగా పరుగులు సాధించాడో అదే రీతిలో జట్టుకు దూరమయ్యాడు. సీనియర్ల రాకతో స్థానంలో కోల్పోయిన కరణ్ తిరిగి జట్టులోకి రాలేకపోయాడు.
కేఎల్ రాహుల్ స్థానంలో ఎంపికైన నాయర్
నాయర్.. 2013 నుంచి ఐపీఎల్‌లో ఆడుతున్నాడు. తొలుత రాయల్‌ చాలెంజర్స్‌ బెంగళూరు(RCB) తరఫున వెటోరీ కెప్టెన్సీలో ఆడాడు. ఆ తర్వాత కొన్ని సీజన్లు కోల్‌కతాకు ప్రాతినిధ్యం వహించాడు. 2022లో రాజస్థాన్‌ రాయల్స్‌ దక్కించుకోగా, 2023లో గాయపడ్డ కేఎల్ రాహుల్(KL Rahul) స్థానంలో లక్నో సూపర్‌జెయింట్స్‌ (lucknow super giants) జట్టులోకి వచ్చాడు. జాతీయ జట్టులో చోటు దక్కించుకోలేకపోయిన ఈ యువ క్రికెటర్ కెరీర్‌కు ట్రిపుల్ సెంచరీ రికార్డుతోనే ఫుల్‌స్టాప్‌ పడేలా కనిపిస్తున్నది. మళ్లీ టీమ్‌ఇండియాలో ఎప్పుడు చోటు దక్కించుకుంటాడనేది మిలియన్‌ డాలర్ల ప్రశ్నగానే మిగిలిపోయింది.
ఇవి కూడా చ‌ద‌వండి
IND vs WI | తొలి టీ20లో టాస్ గెలిచిన వెస్టిండీస్.. తిల‌క్ వ‌ర్మ, ముకేశ్ కుమార్ అరంగేట్రం
James Anderson | నిరుడే రిటైర్మెంట్ చెప్పాల‌నుకున్న బ్రాడ్‌.. ఆ ఇద్దరే అడ్డుప‌డ్డారు : అండ‌ర్స‌న్
Read Today's Latest Nt-special News in Telugu and Telugu News
- Follow Us :
-
