Visit:
Ramasakkanoda Song | సింగపూర్‌లో తెలుగు ప్రతిభ వికసిస్తోంది. Y7ARTS ఛానల్ నుంచి మనోహరమైన ప్రేమగీతం ‘రామసక్కనోడా’ ఇటీవల విడుదలైంది. హృదయాన్ని హత్తుకునేలా సింగపూర్ స్థానిక కళాకారులతో రూపొందిన ఈ తెలుగు ప్రేమ గీతం యూట్యూబ్‌లో విశేష ఆదరణ పొందుతోంది. ఈ పాటకు శిష్ట్లా శ్రీతిక ప్రాణం పోసింది. సంప్రదాయ వస్త్రధారణ, అద్భుతమైన చిరునవ్వు, సహజమైన నటనతో ప్రేక్షకులన్ని మంత్రముగ్ధుల్ని ఏసింది. ఆమె అందించిన విశేష ప్రదర్శన ఈ ప్రేమగీతానికి ప్రత్యేక ఆకర్షణగా నిలిచింది.
శ్రీతికకు తోడుగా శ్రియ, సాయినిఖిత అద్భుతంగా సహకరించారు. డైరెక్టర్‌ రజినీకాంత్‌ మరోసారి తన టాలెంట్‌ను చూపించారు. ఇప్పటికే 8 షార్ట్‌ ఫిలింస్‌, రెండు పాటలను సింగపూర్‌లో తెరకెక్కించిన ఆయన.. సాంస్కృతిక వారసత్వాన్ని కాపాడుతూ.. నూతన సృజనాత్మకతను స్వీకరించడంలో ముందుంటారు. సింగపూర్‌లోని తెలుగు ప్రతిభను ప్రపంచానికి చాటుతున్న ఆయన ఈ పాటతో మరోసారి కొత్త ప్రతిభను చూపించారు. కాగా, ఈ ప్రేమ గీతం సక్సెస్‌ కావడం పట్ల డైరెక్టర్‌ హర్షం వ్యక్తం చేశారు.
ఈ ప్రాజెక్టు విజయవంతం కావడం కోసం కష్టపడి పనిచేసిన నటీనటులు, సాంకేతిక బృందం , ఎడిటింగ్, DOP సాయియితేజ కుందరపు, కొరియోగ్రాఫర్ రమేశ్‌ పిట్, సహ నిర్మాత శ్రీనివాస్ పుల్లంని అభినందించారు. అలాగే, తమ పిల్లలను ప్రోత్సహిస్తూ, కళారంగంలో అభివృద్ధి చెందడానికి సహాయపడిన తల్లిదండ్రులను ఆయన ప్రత్యేకంగా అభినందించారు. వారి మద్దతు లేకుండా ఇలాంటి ప్రతిభ గల కళాకారులు ఎదగడం కష్టమని, వారి సహకారం ఎంతో విలువైనదని అన్నారు. సంప్రదాయ, ఆధునికతను సమపాళ్లలో మిళితం చేస్తూ, Y7ARTS ఛానల్ సంగీత, సినిమా రంగాల్లో శాశ్వత ప్రభావం చూపేలా ముందుకు సాగుతోంది.
