తెలంగాణ రాష్ట్రం, టీఆర్ఎస్ పార్టీ కోసం దశాబ్దానికి పైగా లండన్ కేంద్రంగా పనిచేస్తున్న పార్టీ ఎన్ఆర్ఐ లండన్ శాఖ అధ్యక్షుడు అనిల్ కూర్మాచలంను మంత్రి, పార్టీ వర్కింగ్ ప్రెసిడెంట్ కే తారకరామారావు అభినందించారు. యూకే పర్యటనలో భాగంగా మూడు రోజులుగా వివిధ వ్యాపార వాణిజ్య వర్గాలతో సమావేశమవుతూ బిజీ బిజీగా ఉన్న మంత్రి కేటీఆర్.. శనివారం అనిల్ కూర్మాచలం ఇంటికి వెళ్లారు. అనిల్ కూర్మాచలం కుటుంబ సభ్యులు కేటీఆర్ను సాదరంగా ఆహ్వానించారు.
లండన్ కేంద్రంగా దశాబ్దకాలంగా తెలంగాణ ఉద్యమం, టీఆర్ఎస్ పార్టీ కోసం చేపట్టిన అనేక కార్యక్రమాల వివరాలను కేటీఆర్కు అనిల్ కూర్మాచలం వివరించారు. తెలంగాణ బతుకమ్మ గురించి క్వీన్ ఎలిజబెత్కు అనిల్ కూర్మాచలం కూతురు నిత్య లేఖ రాయగా, క్వీన్ నుంచి ఆమెకు ప్రశంసలందాయి. ఈ విషయాన్ని తెలుసుకున్న మంత్రి కేటీఆర్.. నిత్యను అభినందించారు. ప్రాంతం, దేశం ఏదైనా పార్టీ కోసం పనిచేస్తున్న ప్రతి ఒక్కరూ తమ కుటుంబ సభ్యులే అని కేటీఆర్ పేర్కొన్నారు.