BRS UK NRI | లండన్‌లో ఘ‌నంగా దీక్షా దివస్.. కేసీఆర్ పోరాటం ప్ర‌పంచానికే ఆద‌ర్శం.. అనిల్ కూర్మాచ‌లం

BRS UK NRI | లండన్‌లో కేసీఆర్ దీక్షా దివస్‌ను ఎన్నారై బీఆర్ఎస్ యూకే శ్రేణులు ఘనంగా నిర్వహించాయి.

BRS UK NRI | లండన్‌లో కేసీఆర్ దీక్షా దివస్‌ను ఎన్నారై బీఆర్ఎస్ యూకే శ్రేణులు ఘనంగా నిర్వహించాయి. ఈ కార్య‌క్ర‌మంలో ఎన్నారై బీఆర్ఎస్‌ వ్యవస్థాపక అధ్య‌క్షులు అనిల్ కూర్మాచలం మాట్లాడుతూ భారత స్వాతంత్ర ఉద్యమానికి గాంధీజీ ఎంచుకున్న అహింసా పద్దతిని తెలంగాణ రాష్ట్ర సాధ‌న కోసం తెలంగాణ గాంధీజీ కేసీఆర్ పాటించార‌ని పేర్కొన్నారు. రాష్ట్ర సాధనోద్యమంలో ఎటువంటి హింసకు తావు లేకుండా, శాంతియుత పంధాతో ఏదైనా సాధించవచ్చు అనే గొప్ప సందేశాన్ని, అటు భారత దేశ పౌరులకే కాకుండా, ప్రపంచానికే గొప్ప సందేశాన్నీ మార్గాన్ని చూపిన గొప్ప స్పూర్తి దాత నాయకుడు మన కేసీఆర్ అని ప్రశంసించారు. కేసీఆర్ శాంతియుత తెలంగాణ పోరాటం ప్రపంచానికే ఆదర్శం అని పేర్కొన్నారు.

కేసీఆర్ తలపెట్టిన దీక్ష నుండి ఈనాటి వరకు వారికి మద్దతుగా ఉంటూ, చేపట్టిన కార్యక్రమాలను, ఉద్యమ జ్ఞాపకాలని అనిల్ కూర్మాచ‌లం గుర్తు చేసుకున్నారు. కేసీఆర్‌ నాయకత్వాన్ని బలపర్చడం మన చారిత్రాత్మక అవసరమన్నారు. ఎన్నారై బీఆర్ఎస్‌ సెల్‌కి ఎప్పటికప్పుడు కేసీఆర్, బీఆర్ఎస్ నాయకులు ఇస్తున్న ప్రోత్సాహానికి కృతఙ్ఞతలు తెలిపారు. కేసీఆర్ ఆదేశాల మేరకు నిర్మాణాత్మక ప్రతిపక్షంగా వారి వెంట ఉంటామని తెలిపారు.

బీఆర్ఎస్ ఎన్నారై యూకే విభాగం అధ్యక్షుడు నవీన్ రెడ్డి మాట్లాడుతూ 2009 న‌వంబ‌ర్ 29న ‘తెలంగాణ వచ్చుడో -కేసీఆర్ సచ్చుడో’ అనే నినాదం తో కేసీఆర్ తల పెట్టిన దీక్ష తెలంగాణ రాష్ట్ర ఏర్పాటుకు ఒక కీలక ఘట్టంగా బావించి, ఆ రోజును దీక్ష దివస్ గా జరుపుకుంటున్నామన్నారు. తెలంగాణ ప్రజల దశాబ్దాల కలను సాకారం చేసే క్రమంలో తన ప్రాణాలను పణంగా పెట్టి సకల జనులను ఏకం చేసి, శాంతి యుత పోరాటంతో రాష్ట్రాన్ని సాధించి పెట్టిన కేసీఆర్ ఉద్యమ ప్రస్థానం ప్రపంచానికే ఆదర్శమని తెలిపారు.

ఈ కార్యక్రమంలో ఎన్నారై బీ.ఆర్.యస్ సెల్ ఉపాధ్యక్షులు హరి గౌడ్ నవాపేట్, సతీష్ రెడ్డి గొట్టి ముక్కుల, సత్య మూర్తి చిలుకుల, రవి రేటినేని, వైస్ చైర్మన్ గణేష్ కుప్పాల, సభ్యులు దొంతుల వెంకట్ రెడ్డి, ప్రవీణ్ కుమార్ వీర, కార్యదర్శులు సురేష్ గోపతి, అబ్దుల్ జాఫర్, ఐటీ, మీడియా అండ‌ర్ పీఆర్ కార్యదర్శి పీఆర్ రవి ప్రదీప్ పులుసు, కోశాధికారి సురేష్ బుడగం, కమ్యూనిటీ అఫైర్స్ చైర్మన్ రమేష్ ఇస్సంపల్లి, కమ్యూనిటీ అఫైర్స్ వైస్ చైర్మన్ శ్రీధర్ రావు తక్కలపల్లి, సంయుక్త కార్యదర్శులు నవీన్ మాదిరెడ్డి, ప్రశాంత్ రావు కటికనేని, రామకృష్ణ కలకుంట్ల, సోషల్ మీడియా కన్వీనర్లు అంజన్ రావు, ఈవెంట్స్ ఇంచార్జ్ తరుణ్ లునావత్ త‌దిత‌రులు పాల్గొన్నారు.