ఒకేసారి మూడు నెలల రేషన్‌

మూడు నెలల రేషన్‌ కోటాను ఒకేసారి పంపిణీ చేయనున్నట్లు కలెక్టర్‌ రాజీవ్‌గాంధీ హన్మంతు శనివారం ఒక ప్రకటనలో తెలిపారు. జూన్‌, జూలై, ఆగస్టు నెలలకు సంబంధించిన బియ్యం కోటాను రేషన్‌ దుకాణాల ద్వారా లబ్ధిదారులు ఒకేసారి పొందవచ్చని పేర్కొన్నారు.

• కలెక్టర్‌ రాజీవ్‌గాంధీ హన్మంతు

కంఠేశ్వర్‌, మే 24 : మూడు నెలల రేషన్‌ కోటాను ఒకేసారి పంపిణీ చేయనున్నట్లు కలెక్టర్‌ రాజీవ్‌గాంధీ హన్మంతు శనివారం ఒక ప్రకటనలో తెలిపారు. జూన్‌, జూలై, ఆగస్టు నెలలకు సంబంధించిన బియ్యం కోటాను రేషన్‌ దుకాణాల ద్వారా లబ్ధిదారులు ఒకేసారి పొందవచ్చని పేర్కొన్నారు. ఈ మేరకు అవసరమైన అన్ని ఏర్పాట్లు చేస్తున్నామని, రేషన్‌ డీలర్లు మూడు మాసాల కోటాను దిగుమతి చేసుకుని సకాలంలో బియ్యం కోటా పంపిణీ చేయాలని సూచించారు.

జూన్‌ 1 నుంచి 30 లోపు పంపిణీ ప్రక్రియ పూర్తిచేయాలని ఆదేశించారు. బియ్యం పంపిణీలో అవకతవకలు, అలసత్వానికి తావిస్తే బాధ్యులపై కఠిన చర్యలు తీసుకుంటామని హెచ్చరించారు. వర్షాలు, వరదలు, నిల్వ సమస్యలు తదితర ఇబ్బందులను దృష్టిలో పెట్టుకుని ప్రభుత్వం ఈ నిర్ణయం తీసుకున్నదని తెలిపారు. ఏకకాలంలో మూడు నెలల పంపిణీ జరిగేలా పకడ్బందీ పర్యవేక్షణ చేపట్టాలని పౌర సరఫరాల శాఖ అధికారులను ఆదేశించారు. ఎంఎల్‌ఎస్‌ పాయింట్ల నుంచి రేషన్‌ షాపులకు సరుకులు సక్రమంగా తరలించేలా బియ్యం నిల్వలు అందుబాటులో ఉండేలా చూడాలని సూచించారు.