కాంగ్రెస్‌ కమీషన్ల పడగ నీడలో ఆర్మూర్‌
అవినీతి కాంగ్రెస్‌ కమీషన్ల పడగ నీడలో ఆర్మూర్‌ నియోజకవర్గం విలవిల్లాడుతున్నదని బీఆర్‌ఎస్‌ నిజామాబాద్‌ జిల్లా అధ్యక్షుడు, ఆర్మూర్‌ మాజీ ఎమ్మెల్యే ఆశన్నగారి జీవన్‌రెడ్డి అన్నారు. ఆర్మూర్‌ పట్టణంలోని ఓ ఫంక్షన్‌ హాల్‌లో ఆయన ఆదివారం విలేకరుల సమావేశంలో మాట్లాడారు.
- పీవీఆర్‌ అంటే పైసా వసూల్‌ రెడ్డి
- వినయ్‌రెడ్డిపై ధ్వజమెత్తిన బీఆర్‌ఎస్‌ జిల్లా అధ్యక్షుడు జీవన్‌రెడ్డి
ఆర్మూర్‌టౌన్‌, నవంబర్‌ 30: అవినీతి కాంగ్రెస్‌ కమీషన్ల పడగ నీడలో ఆర్మూర్‌ నియోజకవర్గం విలవిల్లాడుతున్నదని బీఆర్‌ఎస్‌ నిజామాబాద్‌ జిల్లా అధ్యక్షుడు, ఆర్మూర్‌ మాజీ ఎమ్మెల్యే ఆశన్నగారి జీవన్‌రెడ్డి అన్నారు. ఆర్మూర్‌ పట్టణంలోని ఓ ఫంక్షన్‌ హాల్‌లో ఆయన ఆదివారం విలేకరుల సమావేశంలో మాట్లాడారు.
ఆర్మూర్‌ ప్రజల దృష్టిలో పి.వినయ్‌రెడ్డి (పీవీఆర్‌) అంటే పైసా వసూల్‌ రెడ్డి అని ఎద్దేవా చేశారు. దోపిడీ దొంగల ముఠా లీడర్‌గా మారి ప్రజల సొమ్ము కాజేస్తున్నాడని, బినామీల ద్వారా అక్రమ వసూళ్ల సునామీని సృష్టిస్తున్నాడని ఆరోపించారు. యథేచ్ఛగా ల్యాండ్‌, శాండ్‌ మాఫియాల అక్రమ ఆగడాలకు పాల్పడుతున్నాయని తెలిపారు. కల్లు బట్టీ నుంచి నల్ల మట్టి దాక మామూళ్లు వసూలు చేస్తున్నారని, చివరకు టిఫిన్‌ సెంటర్ల నుంచి చికెన్‌ సెంటర్ల వరకూ లూఠీ చేస్తున్నారని మండిపడ్డారు.
Read Today's Latest Nizamabad News in Telugu and Telugu News
- Follow Us :
-
