భయం వీడితే విజయం మీదే..

పరీక్షలు దగ్గర పడుతున్న నేపథ్యంలో తల్లిదండ్రులు, ఉపాధ్యాయులు విద్యార్థులు ప్రశాంతంగా చదువుకునేలా వాతావరణాన్ని కల్పించాలి. విద్యార్థులకు అర్థంకాని సబ్జెక్టులపై వారి ఉపాధ్యాయుల ద్వారా సందేహాల నివృత్తి కోసం సహకరించాలి.

• ‘పది’లంగా పరీక్షలకు సన్నద్ధంకండి
• సెల్‌ఫోన్లకు దూరంగా ఉండాలి : వైద్య నిపుణులు
• పది పరీక్షల బాధ్యత తల్లిదండ్రులదే..
• పక్కా ప్రణాళికతో విద్యార్థులు చదవాలి

తల్లిదండ్రులు గుర్తించుకోవాల్సినవి..

• తల్లిదండ్రులు ర్యాంకులు, పర్సంటేజీల గురించి గుర్తు చేయవద్దు.
• ధైర్యంగా ప్రోత్సహించాలి కానీ పరుగులు పెట్టించకండి.
• చదువు అనేది శిక్షలా భావించకుండా కెరీర్‌కు తొలిమెట్టుగా పిల్లలు గ్రహించేలా ప్రవర్తించండి.
• పిల్లలను గదిలోనికి నెట్టివేసి, డోర్లు మూసి బయటికి రాకుండా చదువుకోవాలని కట్టడి చేయొద్దు.
• మధ్యమధ్యలో విశ్రాంతిని ఇవ్వండి.
• సరదగా గపడడం ద్వారా చదువుపై ఆసక్తి పెరిగే అవకాశాలు ఎక్కువ.
• అనవసరంగా ఇతరులతో పోల్చి ఇబ్బంది పెట్టకూడదు.
• హాయిగా నిద్ర పోనివ్వాలి.
• నిద్రలేమి రాత్రులు గడపకుండా చూసుకోవాల్సిన బాధ్యత మీదే.
• మీ ప్రవర్తన వారికి వరంగా ఉండాలని కానీ శాపంగా ఉండకూడదు.
• ఆహార విషయాల్లో తగు జాగ్రత్తలు తీసుకోవాలి.
• పరీక్షల ఫలితాలు, జరిగిన పరీక్షల పేపర్లపై చర్చించవద్దు.
• మీ ఆశయాలను పదేపదే గుర్తు చేస్తూ వాళ్ల లేతమనస్సును గాయపర్చొద్దు. విందులు, వినోదాలు లాంటి వాతవరణాన్ని అనవసరంగా కల్పించొద్దు..

విద్యార్థులూ ఇవి పాటించండి..

• మీ తల్లిదండ్రులు పడుతున్న తాపత్రయాన్ని ఒత్తిడిగా భావించకుండా అ ర్థం చేసుకోవడానికి ప్రయత్నించండి.
• ఉత్సాహంతో చదవాలే కానీ భయపడి వెనుతిరగవద్దు.
• ప్రశాంతతను మనసులోకి ఆహ్వానించండి. మళ్లీ దాన్ని బయటికి నెట్టివేయకండి.
• పరీక్షలు విద్యార్థి దశలో భాగమే కానీ దండనగా భావించి ఆందోళనకు గురై బాధపడొద్దు.
• పరీక్షలను సవాలుగా స్వీకరించి విజ యం సాధించాలనే లక్ష్యంతో ముం దుకు వెళ్లాలి.
• ఒత్తిడి అనిపించినప్పుడు పుస్తకాలు పక్కన బెట్టి ఆహ్లాదకరమైన వాతవరణంలో కాసేపు సేదతీరాలి.
• అందమైన భవిష్యత్తుకు చదువును నిచ్చెనలా భావించి గమ్యం అనే మె ట్టు ఎక్కడానికి కృషి చేస్తే విజయం మిమ్మల్ని వరించడం ఖాయం.

ప్రణాళికతో చదివేలా ప్రోత్సహించాలి

పరీక్షలు దగ్గర పడుతున్న నేపథ్యంలో తల్లిదండ్రులు, ఉపాధ్యాయులు విద్యార్థులు ప్రశాంతంగా చదువుకునేలా వాతావరణాన్ని కల్పించాలి. విద్యార్థులకు అర్థంకాని సబ్జెక్టులపై వారి ఉపాధ్యాయుల ద్వారా సందేహాల నివృత్తి కోసం సహకరించాలి. పాఠశాలల యాజమాన్యాలు విద్యార్థుల స్థాయిలను గుర్తించి వారికి అవసరమైన మెటీరియల్‌ను అందించాలి. వెనుకబడిన విద్యార్థులకు ప్రత్యేకంగా తరగతులు నిర్వహించాలి. ఉన్న సమయంలో అన్ని సబ్జెక్టులను సరైన ప్రణాళికతో చదివేలా ఉపాధ్యాయులు ప్రోత్సహించాలి.
– ఎన్‌వీ దుర్గాప్రసాద్‌, డీఈవో, నిజామాబాద్‌

విద్యార్థులపై ఒత్తిడి తీసుకురావొద్దు..

పాఠశాల యాజమాన్యాలు, తల్లిదండ్రులు విద్యార్థులపై ఒత్తిడి తీసుకురావొద్దు. ర్యాంకులు, జీపీఏ అంటూ విద్యార్థులను మానసికంగా ఇబ్బందులకు గురిచేస్తే ఆందోళనకు గురై చదివిన సబ్జెక్టులను కూడా మరిచిపోయే ఆస్కారం ఉన్నందున వారిపై ఒత్తిడి పెంచకండి. పట్టు సాధించని సబ్జెక్టులపై నిపుణులైన ఉపాధ్యాయులతో తరగతులు లేదా సందేహాల నివృత్తి చేస్తే పట్టు సాధించే అవకాశం లేకపోలేదు. విద్యార్థులను గ్రూప్‌ డిస్కషన్స్‌, పాఠ్యాంశాలపై తోటి విద్యార్థులతో చర్చ లాంటివి వారిలో విశ్వాసాన్ని పెంపొందిస్తాయి.
– డాక్టర్‌ ఆకుల విశాల్‌, మానసిక వైద్య నిపుణుడు, నిజామాబాద్‌