Hi-Tech Dental Hospital | నిజామాబాద్‌ హైటెక్ డెంటల్ ఆధ్వర్యంలో 100 కేఎం సైకిల్ రైడ్

నిజామాబాద్ జిల్లా కేంద్రంలోని ఖలీల్వాడిలో ఉన్న హైటెక్ డెంటల్ ఆధ్వర్యంలో 100 కేఎం సైకిల్ రైడ్ కార్యక్రమాన్ని ఆదివారం నిర్వహించారు. నిజామాబాద్-కామారెడ్డి జాతీయ రహదారిపై ఉదయం 5 గంటల నుండి 11 గంటల వరకు నిర్వహించారు.

Hi-Tech Dental Hospital | కంటేశ్వర్, నవంబర్ 30 : నిజామాబాద్ జిల్లా కేంద్రంలోని ఖలీల్వాడిలో ఉన్న హైటెక్ డెంటల్ ఆధ్వర్యంలో 100 కేఎం సైకిల్ రైడ్ కార్యక్రమాన్ని ఆదివారం నిర్వహించారు. నిజామాబాద్-కామారెడ్డి జాతీయ రహదారిపై ఉదయం 5 గంటల నుండి 11 గంటల వరకు నిర్వహించారు. ఈ సందర్భంగా డాక్టర్ నందకుమార్ మాట్లాడుతూ సైక్లింగ్ వల్ల ఎన్నో ఉపయోగాలు ఉన్నాయన్నారు.

సైకిల్ రైడ్‌ వల్ల రోగనిరోధక శక్తి, జ్ఞాపకశక్తి పెరుగుతాయని ఒత్తిడి, డిప్రెషన్, హైబీపీ తగ్గి మెదడు పనితీరు పెరుగుతుందని చెప్పారు. అంతేకాకుండా శరీరంలోని వ్యర్థాలు బయటకు పోయి మానసిక ప్రశాంతత లభిస్తుందని, షుగర్ లెవెల్స్ కంట్రోల్ ఉంటాయని తెలిపారు. రైడ్ లో డాక్టర్ గౌరవ్ లచ్చుర్య, తిరుమల నాయుడు, జిగ్నేష్ పటేల్, వైవి రంగారావు,విశాల్ పటేల్ ,నిఖిల్ విజయ్, భార్గవ్, జై పటేల్ తదితరులు పాల్గొన్నారు. హైటెక్ డెంటల్ డాక్టర్ కృష్ణ తేజ, డాక్టర్ నాగ శ్వేత పాల్గొని రైడర్స్‌కు జ్ఞాపికలు అందజేశారు.