మొక్కలు జాగ్రత్త!

మనిషికి రోగాన్ని బట్టి చికిత్స చేసినట్టే.. మొక్కలకూ కాలాన్నిబట్టి వైద్యం చేయాలంటారు. లేకపోతే ఫలదీకరణ ఉండదు. అకారణంగా ఎండిపోతాయి. చలికాలంలో మొక్కల సంరక్షణ ఎలా ఉండాలంటే..

• చలికాలంలో సూర్యరశ్మి తక్కువ. కాబట్టి మొక్కలు తక్కువ నీటిని పీల్చుకుంటాయి. ఆ మేరకే నీళ్లు పెట్టాలి.
• నీరుపోసే ముందు నేల పొడిబారిపోయి ఉందా, తేమగా ఉందా? అనేది చూసుకోవాలి. దీనివల్ల నీరుచిచ్చు సమస్య తగ్గించుకోవచ్చు.
• చలిగాలి ఇంట్లో మొక్కలకు తాకకుండా చూడాలి. కుండీలను కిటికీలకు దూరంగా ఉంచాలి. లేకపోతే గాలికి ఆకులు ముడుచుకుపోతాయి.
• నీరు పోయే ఏర్పాటు ఉన్న కుండీలను మాత్రమే ఉపయోగించాలి.
• స్వీట్‌ అలిస్సమ్‌, పెటునియా, పాన్సీ, పీస్‌లిల్లీ, సాన్సేవిరియా వంటి రకాలను ఈ సీజన్‌లో ఎంచుకోవచ్చు. ఇవి గాలిని శుద్ధి చేస్తాయి.
• ఎందుకైనా మంచిది సేంద్రియ క్రిమి సంహారకాలనూ సిద్ధంగా ఉంచుకోండి.