Madaram dispensary | మాదారం డిస్పెన్సరీ తరలింపు కుట్రను అడ్డుకుంటాం : మాజీ ఎమ్మెల్యే దుర్గం చిన్నయ్య

Madaram dispensary | మాదారం డిస్పెన్సరీ తరలింపు కుట్రను అడ్డుకుంటామని బెల్లంపల్లి మాజీ ఎమ్మెల్యే దుర్గం చిన్నయ్య అన్నారు.

తాండూర్ : మాదారం డిస్పెన్సరీ ( Madaram dispensary ) తరలింపు కుట్రను అడ్డుకుంటామని బెల్లంపల్లి మాజీ ఎమ్మెల్యే దుర్గం చిన్నయ్య ( Durgam Chinnaiah) అన్నారు. తాండూర్ మండలం మాదారం టౌన్ షిప్ లో ఆదివారం ఆయన బీఆర్ఎస్ నాయకులతో కలిసి పర్యటించారు. మాదారం టౌన్ షిప్‌లోని సింగరేణి ఆసుపత్రి (డిస్పెన్సరీ) తరలించే కుట్రలు జరుగుతున్నాయని ఆరోపించారు. కార్మికులకు కనీసం వైద్యం అందించే పరిస్థితి లేకపోతే ఎలా అని ప్రశ్నించారు.

డిస్పెన్సరీ తరలించకుండా స్థానిక ప్రజలకు అందుబాటులోనే కొనసాగించాలని, ప్రజలకు వైద్య సేవలు నిరంతరం అందేలా చర్యలు తీసుకోవాలని డిమాండ్ చేశారు. ఒకవేళ దానిని తరలిస్తే బీఆర్ఎస్ అధ్యర్యంలో ఆందోళన చేస్తామని హెచ్చరించారు. అంతకుముందు ఆయన మాదారం కోదండ రామాలయంలో ప్రత్యేక పూజలు నిర్వహించారు.

ఈ కార్యకమంలో మాజీ ఎంపీపీ పూసాల ప్రణయ్ కుమార్, మాజీ జడ్పీటీసీ మంగపతి సురేష్ బాబు, అచ్చలాపూర్ ఉప సర్పంచ్ గట్టు సంతోష్ కుమార్, బీఆర్ఎస్ నాయకులు ఎలుక రాంచందర్, మొగిలి శంకర్, బోడ సతీష్ గోమాస తిరుపతి, క్రాంతి, సుభాష్, రాజేందర్, శశి, రమాదేవి, చంద్రకళ, రాజమణి, గుండేటి లక్ష్మి, సామ్య, కోల జ్యోతి, తదితరులు పాల్గొన్నారు.